Shillong, Kyllalyngkot 07: Ki shipai BSF kiba pahara ha khappud bad ka Bangladesh kila ioh ban kurup shibun ki dawai bad kiwei ki mar kiba thmu ban khaii beain sha Bangladesh,ki mar baroh kiba la ioh ban kurup kila kot sha ka T.34.15 lak tyngka.
Ki mar kiba la ioh ban kurup ia kiba la thmu ban shallan beain sha Bangladesh la ioh ban kurup na jan Muktapur kaba hap ha West Jiantia Hilla bad Lyngkhat kaba hap ha East Khasi Hills District, ki BSF kila ioh ban kurup ha dien bala iohi ki khar Bangladesh kiba la kiew sha India.
Ki BSF kiba la iohi ia kane kila pynlong ia ka jingap ktem bad khynra ia kitei ki jaka bad kila ioh ban kurup ia ki tiar kiba don ha khlaw bad ki briew kila ioh ban phet na kti ki shipai BSF namar ka jingdum ka miet hynrei ia ki tiar la ioh ban kurup na khappud.
Ki shipai BSF ia ki mar kiba la ioh ban kurup kila aiti sha ki Customs ban pynlong ia ka jingthohkit bad ban leh katba shah ka ain ban pynshitom ia kiba don kti. Ki shipai BSF kiba don ha khappud ki long kiba peitngor ban pynthikna ba kan nym don kano kano ka jingkhaii beain.
