Shillong, Jymmang 07: U Symbut Myntri Rangbah ka jylla u Bah Prestone Tynsong u la iathuh ba ha kine ki saw sngi kiba la plie ia ki dukan kyiad ka sorkar jylla kala ioh lum ia ka khajna T.6 klur tyngka.
Kane ka jingioh lum ai kane ka khajna na ki dukan kyiad ka long naduh ka saw tarik mynta u bnai haduh mynta ka sngi bad kane ka jinglum ia kane ka khajna ka long na baroh ki dukan kyiad kiba don ha ka jylla baroh kawei.
Haba ka sorkar kala pynlait ia ki dukan kyiad ban plie kala buh ruh ia ki kyndon ba ki hap ban but ia ki kyndon jong ka jingpynia jngai ha ka por ba leit ban thied kyiad bad kala maham ruh ba lada ka don ka jingpynkhien yn khang khyrdep biang ia ki.
Ha dien ba ka sorkar kala byrgnem ban khang khyrdep ia ki dukan kyiad lada ki pynkhein la iohi ba ha kine ki lai sngi kala don ka jingbut ryntih jong ki dukan kyiad ban don kata ka jingpynia jngai kumba la bthah da ka sorkar.
