Shillong, Nohprah 23:Kum ka jingburom ia ki nongtrei jong ki Aganwadi ha ka Ri Baroh kawei ka Union Minister ba dei peit ia ki kynthei bad ki khynnah jong ka Ri India ka Maneka Sanjay Gandhi, kala sam ia ki khusnam National Awards sha ki nongtrei Anganwadi naka bynta jong u snem 2014-15 bad 2015-16. Ia kane ka jingai khusnam la ai ha Nongbah Delhi.
Ha ka ri baroh kawei kiba la ioh ia kane ka khusnam ki long 97 ngut na ki jylla bapher bapher bad na kane ka jylla Meghalaya kiba la ioh ia kane ka khusnam ki long ka kong Witawan Sungoh, Anganwadi Worker, Nongbah Lumshor, Thadlaskein ICDS Project, West Jaintia Hills District bad ka kong Silbi Pohing, Anganwadi Worker Rata Cherra, West AWC Khliehriat ICDS Project,East Jaintia Hills District.