Shillong, Nohprah 27: Ki pulit jong ka jylla Meghalaya kila ioh ia ka jingpyntip ha ka 26.12.2016 na ki pulit jong ka Sultanpur jong ka jylla Uttar Pradesh ba u khynnah ba dang 7 snem u la shah rah bor bad la sub aba u don ha Shillong.
Mar ia ioh ia kane ka jingtip na ka liang jong ki pulit jong ka nongbah Shillong khamtam hapoh ka jingialam jong u SP Ka East Khasi Hills u Bah M KHarkrang kila pynlong ia ka jingthwet bad khynra ia baroh ki Hotel kiba don ha kane ka nongbah Shillong.
Ha kane ka jingkhynra ki pulit kila ioh ban pynlait im ia une u khynnah na kawei na ki Hotel kiba don ha Police Bazar, bad ha kane ka jingkhynra la kem ruh ia ar ngut ki briew u Shyamsundar Shitala Prasad Shukla bad ka kurim jong u ka Shalini Shyamsundar Shukla baroh ar ngut kine ki sah ha Nongmynsong.
Katkum ka khubor kaba la iathuh da ki pulit la ong ba kine ki briew ki la rah bor ia une u khynnah n aka bynta ban dawa pisa. Ki pulit kila kem teng ia kine ki shi kurim ha ka juh ka jingshah kynnoh bad ki rah bor ia ki briew.
