Shillong, Kyllalyngkot 31: U Director General jong ka Election Commission ka Ri India u ba deipeit ia ka jinglut jingsep ha kaba ia dei bad ka election u 
u la ong ba ka Commission ka hap ban peitngor wat ia ki lad pathai khubor ioh ki shah thied ha ki kyrtong ba ia khun ia kane ka election MLA.
Haba kren ha ki nongthoh khubor u tei u heh jong ka Election Commission u la ong ba lada lap ba ki don ki kot khubor kiba thoh ia shah shiliang iano iano na ka liang jong ka election commission kan sa buh ia ki jingkylli bad lada dei ki jingthoh kiba ia dei bad u no uno u kyrtong hap ban da ai da ka jingthoh.
Na ka liang jong ka Commission ka kyntu ia ki nongthoh khubor baroh ba ki dei ban iarap lem ia ka commission ha kaba ai ia ki khubor ki ban pynsngewthuh ia ki paidbah ba kin kiar na ka jingshim pisa na ki kyrtong ia kiba ia khun ia ka MLA, ka commission kan nym lah ban leh ei ei da lade khlem da don ka jingiatrei lang jong ki paidbah.
Na ka liang jong ka Commission ka kyntu ia ki paidbah ba kin wan sha khmat ban pyndon kam ia ka hok jong ki ba kin thep ia ka vote katkum ka jingsngewthuh ka jong ki khlem da shah pynbor hano hano. Kumba ka long mynta na ka liang jong ka Commission ka sngewhtuh ba ka election ha kane ka jylla ka long kaba iaid beit.
Ha kane ka sngi na ka liang jong ka Commission ka la ia kynduh ruh ia ki seng sain pyrthei ban ia kren bad ki ha kaba ia dei bad ka jingbuh jingkhien ha kaba ia dei bad ka jinglut na ka bynta ka election.(SP News)
