Shillong, Lber 12: Ki nongialehkai na 
Meghalaya kila leit ban ia shim bynta ha ka jingiakop siat suloi haka 8th North Eastern Zone Championship 2021 kaba la long mynta u bnai ha Guwahati bad ha kane ki nongialehkai na Meghalayakila ioh ban rah 10 tylli ki medal, 2 tylli ki takma ksiar, 6 tylli ki takma rupa bad 2 tylli ki takma rynong.
Hadien ka jingkhang dam kaba jan shi snem ka hapdeng ki jingeh kiba bun ka jylla Meghalaya ki la ioh ban phah lyngba ka Shooting Association of Meghalaya(SAM) 15 ngut ki nongiakop ia siat, sha ka jingiakop ia siat jong ka 8th North East Zone Shooting Championship, kaba la long ha Guwahati, Assam.
Ha katei ka jingiakop ia siat suloi kaba hynriew sngi kaba la sdang naduh 4 tarik haduh 8 tarik March 2021, kiba la wan ia shim bynta ki long na ki jylla Assam, Manipur, Meghalaya, Mizoram bad Nagaland kynthup ki nongiakop ia siat sukoi na ka liang ki kynhun shipai.
Lah ban kynmaw ba dang shi taiew mynshwa ka SAM ka la dep ban pynlong ia ka Meghalaya State Shooting Championship 2021 hadien ba ki bor Sorkar ki la shah ia kane ka kynhun ban pynlong ia ka Championship.
Ki nongia kop ia siat na ka Shooting Association of Meghalaya kiba leit ia shimbynta ha ka 8th NEZSC 2021 ki long 15 ngut. Baroh kiba la poi sha katei ka jingiakop iasiat ka jylla North East ki long 164 ngut na ki san tylli ki jylla bad ki la ia kop ia siat ha ki shiphew tylli ki jingiasiat bapher bapher.
Ki jingiakop kiba la tip kum ka ; (i ) 10 Meter Rifle (Women), (ii) 10 Meter Rifle (Men), (iii) 10 Meter Pistol (Women), (iv) 10 Meter Pistol (Women-Youth), (v) 10 Meter Pistol (Men), (vi) 10 Meter Pistol (Men -Junior), (vii) 25 Meter Sports Pistol (Women), (viii) 50 Meter Free Pistol (Men), (ix) 50 Meter Small Bore Sports Rifle- Prone position (Women), bad (x) 50 Meter Small Bore Sports Rifle- Prone position (Men).
Ki nongiakop ia siat na ka SAM ki la ioh 10 tylli ki takma (2 Gold/ 6 Silver/ 2 Bronze), ki nongjop takma ha ka kyrdan takma Gold ki long ka Ms Shirley M. Kharbuli – 25 Meter Sports Pistol (Women) bad u Dennyson Kyrsain in the 50 Meter Small Bore Sports Rifle Prone – OPEN CATEGORY (Men)
Kiba la jop takma Silver ki long u Rohit Thapa u ba la jop ha baroh ar ka 10 Meter Pistol (Men-Junior) , bad ha ka 10 Meter Pistol (Men –Senior), ka Ms Anjali Singh ha ka 50 Meter Small Bore Sports Rifle- Prone position (Women) bad u Dennyson Kyrsain ha ka 10 Meter Rifle (Men – Junior), bad ka kong Balarishisha Rani ka la jop ha ka 25 Meter Sports Pistol- MQS (Women) bad ka 25 Meter Sports Pistol- ISSF (Women) category.
Kiba la jop takma Bronze ki long ka Ms Anjali Singh-10 Meter Rifle- MQS (Women) bad u Bah Dennyson Kyrsain uba la jop ha ka 10 Meter Rifle – ISSF (Men – Senior)
Wat hapdeng ka jingbym iohlad bad ka jingbymdon la ka jong ka jaka iasiat bad jingduna ki suloi iasiat (competition class weapons) kiba long kiba donkam ha kaba pynkhreh ia ki nongiakop ia siat jong ka jylla na ka bynta ki jingiakop ia siat kiba bun ka Shooting Association of Meghalaya ki la lah ban jop bad ban wanrah takma bad wanrah burom ia ka jylla Meghalaya.
Kane ka jingjop kala ai mynsiem ia kiwei ki nongisiat bad la kyrmen ba ka tnad Sports Sorkar Meghalaya kin shim khia ban thaw ki lad ban tei ia ki jaka iasiat kynthup ban pynbiang ia ki tiar suloi kiban plie lad ia ka Shooting Association of Meghalaya ban ioh ban sei ia ki sap jong ki samla kiba bun bah kiba don hapoh kane ka jylla kum shibynta ban pynkhreh ia ki jingiakop ia siat kiba ha ka National lane International.
