Shillong, Jymmang 31: Tang hapoh khyndait kynta na ka liang jong ki pulit ka nongbah Shillong mynta ka jan miet kila ioh kem ia u bah Jefferson Jana 29 snem kpa jong ki ar ngut ki khynnah kiba la lap ba ki la khlad mynta ka sngi ha kaba la kynnoh ba u la pyniap ia la ki jong ki khun.
U Superintendent ki pulit jong ka nongbah Shillong u bah Vivek Syiem mynta ka miet u la iathuh ba ki pulit kila ioh ban kem ia u bah Jefferson na Nognrah bala suba jur ba dei na u ba leh bad mynta ki dang rah ia u sha Civil Hospital ban phah peit ha ki Doktor bad ha dien katta kin sa tohkit.
Kane ka jingjia kala pynher syrngiew ia ki paidbah kane ka nongbah Shillong ban tip uba shah kynnoh ba pyniap ia ki ar ngut ki hep rit dei u kpa, lah ban pynkynmaw ba ia ka met jong kitei ki ar ngut shipara la lap mynta ka step na khlaw Lawkynti Nongrah bad da ka jingtrei shitom ki pulit mynta ka jan miet la ioh ban kem noh ia u Jefferson.
