Shillong, Lber 20: Ka Governing Body ka National Rifle Association of India, NRAI, ban long uwei u dkhot jong ka Organizing Committee jong ka World Championships jong ka International Shooting Sports Federation (ISSF) kaban sdang ha Bhopal, Madhya Pradesh, naduh ka 21tarik March haduh 27 March 2023.
La pdiang sngewbha ia ki mynta ka sngi ha Bhopal Airport da ka Dr. S Shrivastav, Assistant Director, Department of Sports, Government of Madhya Pradesh kynthup ki heh NRAI bad ki longheh ka MP Rifles Association.
Ka ISSF World Cup Rifle bad Pistol kan long ha Bhopal, ka ban long naduh mynta ka sngi bad kan kut ha ka 27 mynta u bnai, ha kane ka jingiakop ki don 198 ki nongiasiat na kyllen ka pyrthei kynthup ki nongiasiat kiba kynsai kiba paw bad kiba la jop Olympic bad ki World medal.
Ki Ri kiba ia shim bynta kin phah mar 37 ngut ki nongiasiat, ka Ri India bad Ri China kin phah bun ngut ki nongiashim bynta. Ka Denmark, Switzerland, USA, Korea, France bad Germany ki long ki Ri kiba paw ha kaba ki nongiasiat jong ki la khmih lynti ba kin leh bha.
Haduh mynta ki team na palat 30 tylli ki Ri ki la poi bad kiwei pat kin dang poi mynta ka miet. Ki jingialehkai ia siat competitions kin sdang ha u March 22.
