Shillong, Nohprah 06: ka Sshillong Lajong FC mynta ka sngi ka la lah ha ka ban pynliem ia ka Churchill Brother da 2 – 0 ha ka jingiakhun kaba la long ha ka Madan kynjat ball kaba nyngkong ha madan polo ha ka jingialehkai ka I-League.
ka jingjop jong ka Shillong Lajong FC ha kane ka kynti ba mynta ka la rah ia ka sha ka kyrdan balai ha ka miej iaknieh points ha kaba kala khur 16 points . ka Lajong mynta ka la long ka khynhun ka bym pat shym la shah rem ha ki 8 sien ki jingialehkai ki jong ka.
Kane ruh ka long ka sien ka ba saw ia ka Shillong Lajong ba kan jop ia ka jingialehkai hala ka jong ka jylla, lah ban kdew ba ka Lajong ka la ïoh ban tehlakam kham bun shah ïa ka bol bad ñion khlem sangeh hapoh phyllaw kol jong ka kynhun liang pyrshah ha kane ka jingïakhun naduh kaba sdang haduh kaba kut.
Watla ka Lajong ka sdang khlem sangeh ban ñion ïa ka jingïalehkai hynrei kam shym la lah ban pyn seisoh ïa ka jingthmut hepkol. kane ka jingbymlah pynkhih jar kala neh shislem dei tad ynda la jankut ka kylla kaba nyngkong ba ka kynhun lyngba u laiwangbohham ka la ïoh ban thep minit kaba 45 ban ïohlam khmat ïa ka jingïakhun da 1 kol shuwa ban waishiteng.
Wat hadien ba ka kynhun ka la ïoh ban lamkhmat lypa da shikol hynrei ka Lajong kamshym la hunsatia bad ïaibteng ban ñiontyngeh ïa ka churchill ha ka kyllamiet ban pynthikna namjop.
kumba katto katne por ba la ïaid ka kyllamiet, ka Lajong ka la ïohshibun ki kabu kiba la sepei hynrei ha ka 51 minit ka kynhun ka la ïoh ban tam da ar kollyng ba ka penalty u Rnanpaulino
Kila don ruh katto katne ki kabu ba ka Lajong ka la dei ban ïohthep hynrei kila lait sharud hynrei watla kata ruh kane kam shym la khanglad ïa ka kynhun ban pynthi kna ïa ki lai point na kane ka jingïalehkai, bad ruh ka sien banyngkong ïa ka kynhun ban nym shah thep kol napdeng ki jingïakhun mynta ka samoi.
Lyngba kane ka namjop, ka Lajong kan phaikhmat ban pynkhrehïa ka jingïakhun ‘north-east’ derby pyrshahïa ka Aizawl FC la sngi u blei, 10 tariknohprah) ha ka por 2 baje nohphai sngi ha SSA Stadium, shillong.
Ka kynhun haduh mynta kam pat shym la mad namrem, da kaba jop saw sien bad ïakhaid saw sienna ki phra sien ïakhun bad khur 16 point na kine ki jingïakhun baladep.
