New Delhi, Jymmang 24: Ka “SUNFLOWERS WERE THE FIRST ONES TO KNOW”, ka phlim ban pyndep ia ka jingpule da u ChidanandNaik, u samla ba pule ha ka Film and Television Institute of India (FTII), ka la jop ia ka khusnam Cannes’ La Cinefna ka bynta ka thup Best Short ha ka 77th Cannes Film Festival ha France.
La pynbnaia ki nongjop ha ka 23 tarik u Jymmang 2024 ha kane ka lympung ha kaba u samla pule ba long ruh u director, uChidanandNaiku la jop ia kane ka khusnam.
Ka phlim ka dei kaba direct da u Chidananda S Naik, ba la ring da uSuraj Thakur, edit da u Manoj V bad ia ki jingpynsawa la pynbiang da u AbhishekKadam.
Kane ka dei ka jingjia kaba kyrpang ia ki kam shna phlim jong ka India, ha kaba ki phlim na India ki la ioh jingiaroh bha shabar ri, bad khamtam ka FTTI ka la paw bha ha ka Cannes ha kaba la pyni ia ki phlim jong ki samla pule jong ka ha kane ka lympung ha kine ki sngi ba la dep.
Kane ka burom ka wan biang hadien saw snem haba kawei pat ka phlim u samla pule ka FTII kaba tip kum ka ‘CATDOG’ ka la jop khusnam ha ka 73rd Cannes. Ki la don shibun ki phlimna India ha ka 77th Cannes Film Festival ha ki thup bapher bapher.
Bun ki briew kiba la ioh jinghikai na ka FTTI kum kaPayalKapadia, Maisam Ali, Santosh Sivan, Chidanand S Naikbad ka kynhun jong u ka la ioh jingiaroh bha ha ka Cannes mynta u snem.
“SUNFLOWERS WERE THE FIRST ONES TO KNOW” ka dei shaphang iwei i meiradibatuhia u syiarryngkuh jong ka shnong kaba la pynkulmar ia ka shnong ka thaw. Ban ioh biang iaune u syiar, ki la don ki jinglehniam bad hadien kane ka longiing jong ine i meirad ka la shah beh shnong.
Kane ka phlim ka dei ka jingpynmihna ka prokram ai jinghikai jong ka tnat TV jong ka FTTI ha kaba saw ngut ki shahhikai na saw tylli ki tnat kum ka Direction, Electronic Cinematography, Editing, Sound ki la iatrei lang ha kawei ka projek kaba shi snem.
Ia kane ka phlim la direct da u Chidananda S Naik, ring da uSuraj Thakur, edit da u Manoj V bad la pynbiang ia ki jingpynsawa da uAbhishekKadam. Kine ki samla pule ki la shna ia kane ka phlim kum shi bynta jong ka jingiatreilang kaba shi snem bad ki la pyndep ia ka jingpule jong ki ha FTII ha u snem 2023.
Kane ka dei ka sien kaba nyngkong ba ka phlim jong ki shahhikai jong kane ka prokram kaba 1 snem jong ka FTII ka la shah jied bad jop khusnam ha ka Cannes Film Festival.
Hashuwa banleit pule ha FTII ha u snem 2022, u Chidanand S Naiku la shah jied kum uwei na ki 75 Creative Minds ha ka 53rd International Film Festival of India (IFFI), ka sienjam jong ka tnat I&B ban wad bad ai jingkyrshan ia ki samla ba don sap ha ka kam shna phlim.
U R. Madhavan, President ka FTII u la kitbokkitrwiang ia ki samla pule ba iadon bynta ha kane ka phlim. “Nga kitbokkitrwiang ia u ChidanandaNaikbad ka kynhun kaba la shna ia ka ‘Sunflowers Were the First Ones to Know’ kaba la shah pynkup burum.
Kane ka lah ban long tang ka jingsdang jong ka jingtreikam kaba khraw ha kaba yn dang bun ki jingioh jingithuh kumne. Nga ai jingiaroh ruh ia ki nonghikai bad ki nongpyniaid kam jong ka FTII kaba la pynmih ia kine ki samla ba don sap.”
‘La Cinef’ ka dei ka bynta jong kane ka lympung kaba thmu ban ai mynsiem ia ki samla ba don sap bad ka ai jingithuh ia ki phlim kiba mih na ki skul ai jinghikai shna phlim na kylleng ka pyrthei.
Kane ka phlim ka dei kawei na ki 18 tylli ki short (14 live-action bad 4 animated film) kiba la shah jied na ki 2,263 tylli ki phlim ba la phah na ki 555 tylli ki skul shna phlim na kylleng ka pyrthei.
Ka rukom ai jinghikai ba kyrpang jong ka FTII bad ka jingpeit bniah ban ioh jinghikai na ki jingpyrshangdaladeha ki kam shna phlim bad ka TV ka la plie lad ia ki shahhikai jong kane ka Institute ba kin jop khusnam bapher bapher hapoh bad shabar ri.
Kane ka jingioh ia kane ka khusnam ka dei kaba wanrah burom bha ia ka India. Ka Film and television Institute of India ka long kawei na ki jaka ai jinghikai shna phlim ba biang tam bad ka la wanrah burom ia ka ri mynta ka sngi.
