Shillong, Rymphang 28: ha dien ba ka seng Congress kala jop haduh 14 ngut ki MDC sha ka iing dorbar jong ka JHADC haduh mynta ka sngi kam pat lah ban jied ia u nongialam jong ki ban long u CEM hapoh katei ka District Council.
Katkum ki khubor kiba la ioh da u SP News Agency ki iathuh ba ka jingiaknieh ban long CEM kam dei shuh tang na ki MDC kiba jop ia ka election hynrei ka dei na ki MLA jong ka seng Congress kiba kwah ban wanrah ia la ki jong ki briew jong ki.
Ki thymmei khubor ki iathuh ba kumba ka long mynta kaba kham paw eh ha khmat ka dei jong u Bah Thombor shiwat MDC jong ka 8-Nartiang-Umladang bad la kynnoh ba u dei u briew jong u bah Sngewbhalang Dhar myntri ka tnad sha surok ka sorkar jylla.
Haba u SP News Agency u la ioh ban ia kren bad u wei na ki MDC ba dang shu jop na ka seng Congress ha JHADC u la iathuh ba haduh mynta kim pat lah ban rai ia u nongialam jong ki bad kin dang ia shong la shai ka sngi ban shim ia ka rai.(SP News)
