Shillong, Jylliew 24: U Chief Executive Member jong ka Khasi Hills Autonomous District Council u bah Pyniaid Sing Syiem b dei peit ruh ia ka pla tyngka jong ka KHADC u la wan rah ia ka mang tyngka na ka bynta u snem 2023-2024 ha ka jingduna pisa kaba la kiew sha ka T.55,080/- tyngka.
Haba kren ha kaba wanrah ia kane ka mang tyngka u CEM u la ai kyllum ia ka jingkhein ba ka jingmih baroh na bynta kane ka snem mang tyngka 2023-2024 kan long T.253,12,59,690/- (Arspah sanphew lai klur khatar lak sanphew khyndai hajar hynriew spah shiphew tyngka), katba ka jingmih kan long tang T.253,04,610/- (Arspah sanphew lai klur khat ar lak saw hajar hynriew spah shiphew tyngka), ka jingduna pisa ka long T.55,080/- tyngka.
Haba kren ha kane ka jingwanrah ia ka mang tyngka la ong ba ka konsil kala phah da ka jingthoh sha ka tnad Social Welfare ka sorkar jylla ban kdew shai ba katkum ka kyndon kaba 10(I) kong ka KHAD(Khasi Social of Lineage) Act, 1997 kala khang ia u uno uno u Khasi ban ai jait sha u kpa.
Na ka bynta ban pynbha ia ka jingtreikam jong ka KHADC ka konsil ka don ruh ka jingthmu ban pynioh ia ka ophis treikam kaba thymmai ha New Shillong Township ban pynsuk ia ka leit ka wan ki nongtrei bad ia kiba wan don kam kumba long kiwei ki ophis treikam sorkar, EC kan shim khia ia kane.
U CEM u la kdew shai kiei ki bynta kiba ka konsil kan pynlut na ka bynta ka jingtreikam jong ka konsil bad la kren ruh ia ki bynta kiba ne ei ka konsil kan wanrah ia ka jingmih pisa kaba kin sa pynlut ha kane ka snem mang tyngka 2023-2024.
Ha kane ka sngi ka iing dorbar kala pynlong ruh ia ka jingkynmaw burom ia u MDC ka Mawkyrwat u bah Endro Iawphniaw u bala khlad, u tei u rangbah u la long u MDC ha u snem 1967 haduh u snem 1972, u la long u MLA jong ka Nongstoin na ka party HSPDP 1978 haduh 1983.
U bah Pyniaid kum u CEM la ong ba u la sdang ia ka sain pyrthei da ka jingiakynduh ia u tei u rangbah na ka party HSPDP, kiwei kiba la kren ki long u nongialam ka liang pyrshah u bah Titosstarwell Chyne, bah Bindo M Lanong, u bah Martle N Mukhim bad u bah Karnses Sohshang MDC ka Mawkyrwat.
