Shillong, Lber 17: U Myntri ba dei peit ia ka tnad bording u James K Sangma haba jubab ia ka jingkylli u bah George B Lyngdoh MLA, ha kaba ia dei bad ka kad liengsuin ha Umroi,na ka liang jong u myntri la ong ba ka sorar kam don jingthmu ban weng ia ka kad Liengsuin na Umroi, Ri Bhoi.
Haba jubab ia ka jingkylli bynrap, u myntri ba dei peit ia ka tnad bording u la ong ba ha kaba ia dei bad ki liengsuin ban kit mar ban pyniaid na katei ka jaka na katei ka jaka ka sorkar kan sa peit ia kata.
U Myntri kam bor ding u James K Sangma haba jubab ia kawei pat ka jingkylli kaba la wanrah da u bah George B Lyngdoh ha kaba ia dei bad ka jingsiew ia kabai light shisien siew, na ka liang jong u myntri u la ong ba ka dei ka jingshisha ba ka MeECL kala ialad ia ki briew ba kin siew shisien siew ia kabai lai ba sah.
Ki paidbah kiba la wan sha khmat ban shim ia kane ka jingmyntoi kaba ka MeECL kala ai lad ki long 3152 ngut ha ka jylla baroh kawei bad ka pisa kaba la MeECL kala ioh lyngba kane ka jingphah siew bai light kala kot sha ka T.19.02 klur. Ka MeECL kan ot ia ka light na ka bynta kito kiba khlem siew.
Haba jubab ia ka jingkylli bynta u Myntri ba dei peit ia ka tnad bording la ong ba ka bai light kaba sah baroh ka long T.544 klur bad ha dien ka 31 Lber 2021 ka MeECL kan leit ban ot naphang ia kito ki metter kiba khlem siew ia ka bai light.
