Shillong, Naiwieng 22: U Bah Shibun lyngdoh president jong ka BJP Meghalaya state Unit ha ka jingkren pdiang ia u bah JA Lyngdoh myntri ba rim jong ka sorkar jylla sha ka seng u la ong ba ka jingiakhun jong ka party sha kane ka Election MDC shiteng samoi ka long ba kum ka party ka thrang eh ban pynneh pynsah bad pynkhlain ia ki riti ki dustur.
U la ong shuh shuh ba ha ka party BJP kam don ka jingkhlad iano iano ban rung sha ka party, namar ki kyntien lamphang jong ka BJP ka long, ka Ri kan wan ha khmat, ka party kan wan ha dien bad kaba khatduh ka jingshakri.
Ka BJP ka pdiang lut ia baroh kiba kwah ban rung sha ka bad kam khang lad ia ki briew kiba trei ba kin kiew sha jrong, mano ba lah ban mut dur ba u khynnah die sha ha ki rel un long u myntri rangbah duh jong kane ka ri India.
Ha kane ka sngi u la kyntu ia u Bah Nel Antonio War MDC jong ka KHADC u ba long ruh u EM, ia u bah JA Lyngdoh myntri barim ka sorkar jylla ba kin trei shitom ban wanrah ka jingjop ia ka party ha kane ka MDC election shiteng samoi.Ha kane ka u Bah J A Lyngdoh um shym la rung marwei sha ka BJP hynrei da ki spah ngut ki nongbut jong ki ruh kila ia rung lang sha ka party.
Kiba la kren ha kane ka sngi ki long u Bah Bashai Khongwir, Bah Antonio War, Bah David Kharsati bad u Bah J C Nongbet bad ia ka jingialang la pyniaid da u Bah MS Mawri ha ka jingiadon lang u Bah EK Sangma dkhot jong ka Central Committee jong ka BJP.
