Shillong, Risaw 05: Ka party Congress ha kine ki sngi kan sa pynlong ia ka jingpdiang burom ia u bah John Anthony Lyngdoh sha ka party bad un long ruh u kyrtong ban ia khun ia ka elekshon MLA ha u snem 2023.
Ki thymmei khubor kiba ia jan bad party Congress kila iathuh ba kila dep ban ia kren pynbeit ba ha kine ki khyndiat sngi ka party kan sa pdiang burom ia u tei u rangbah bala long teng u MLA bad myntri ha ka sorkar Meghalaya ka la party UDP.
Ha elekshon MLA 2018 u bah J A Lyngdoh u la ia khun na ka party BJP na kane ka juh ka 17-North Shillong Assembly Constituency ha kaba u la ioh 5160 vote bad u la wan ba ar ha katei ka elekshon kaba la dep.
Ka jingmih noh jong u bah J A Lyngdoh na ka party BJP ha kine ki bnai kiba la dep u la ai daw kum u nongialam ba ha khmat jong ka party u la shah leh klet ha kiba bun ki bynta ki kam jong ka party bad kane kala ktah bad un banse ban mih noh na ka BJP.
Lah ban pynkynmaw ba u bah J A Lyngdoh u la long nyngkong kum u MDC na ka Mawphlang Diengei Konstitwensi, ha dien u la jop ia ka MLA elehson MLA na Nongspung bad u la long ruhu myntri ha ka sorkar Meghalaya.
