Shillong, Nohprah 06: U president jong ka seng United Democratic Party (UDP u Dr Donkupar Roy u ba long ruh u nongialam ka liang pyrshah hapoh jong ka iing dorbar thawain ka jylla mynta ka sngi u la ong b aka Congress kam lah ban kam kynti ia ka skhim bylla 100 sngi Mahatma Gandhi National Rural Employment Guarantee Act (MGNREGA) namar ka dei jong ka sorkar pdeng.
Ka jingkam jong u myntri rangbah ka jylla u Dr Mukul Sangma ban ong ba kane ka skhim ka dei ka jong ka seng Congress ka long kaba bakla shibun bad ka dei ka jingialam bakla ia ki paidbah, kane ka dei ka skhim jong ka sorkar pdeng kaba la wanrah ha ka sorkar UPA bad la betang da kane ka sorkar NDA hapoh ka jingialam jong u myntri rangbah duh u Narendra Modi.
U la ong ba kano ka skhim kaba la wanrah da ka sorkar pdeng bad la beteng da ki sorkar kiba wan ha dien yn nym lah ban kam trai namar ka dei ka skhim jong ka sorkar pdeng, ka Congress kam lah ban kam trai ia kane ka skhim.
Ha ba ia dei bad ka jingpynduh noh ia ki pisa kiba rim, ia ka lut shispah bad ia ka lut shihajar na ka liang jong ka UDP ka pdiang sngewbha bad kane kan khanglad ia ka jingbei pisa ia ki lehnoh bad ia ka pisa kaba la buhrieh, u la buh ka jingkylli balei ka congress ka lynga ia kane?.
Haba wanrah ia ka jingtrei thymmai hap ban pynduh ia kaba rim bad tei ia kaba thymmai ha kaba sdang kan don ka jingeh hangne hangtai hynrei kan sa iaid beit kane ka jingeh kaba ia kynduh ka lang tang shipor hynrei kaei kaba leh ka long na ka bynta ka jingbha jong ka Ri.
Haba ia dei bad ka jingpynkiew ia ka Contingency Fund na ka T.205 klur sha ka T.455 klur u la ong ba ka jylla Meghalaya ka dang biang ban leh ia kane hynrei ka long ba kip lam skhim kin sa shah ktah namar ka jingkhate pisa kan long na ki plan skhim ka UDP kan sa peit bha ia kane kumno ka sorkar kan pynlut ia ka pisa namar kine ki jingplut baroh kin sa paw ha ka Audit.
U la ong kumba ka long mynta ka jylla ka don ha pdeng ka jingeh ha ka liang ka pisa bad kata ka paw shai kdar na ki kam jong ka sorkar, ha kaba kam shym la lah ban maramot ia ki surok, ban maramot ia ki iing sorkar bad ban siew ia ki kontrator ha kit and sorkar bapher bapger kane ka kren shai ia ka jingbym don pisa ka sorkar.
