Shillong, Naiwieng 20: Ha ka jingiakren bad ki lad pathai khubor ha shillong press clubs na ka liang U Bah OL Marbàñiañg uba long uwei na ki dkhot ka shlem treikam ka Don Busco Media Network u la pyntip ba ka jingmut jongkane ka reality show ka long ban kyntiew ia ka sap ka phong jong kito kiba nang ban rwai.
Ka Don Bosco Media Network ka don ka jingnangnud ban pynpoi ruh iaki haduh ka International level. Ha kaba kiba kwah ban nang ban rwai kin ioh ruh ka jinghikai jong ki Coaches bad kiba dei ruh ki Judges jong kane ka rynsan.
La iathuh ruh ba ki don ki kyndon ba ki nongiashimbynt kin hap ban bud ha ka ba kan don ka blind Audition ka ban sdang naduh ka 2 tarik u Nohprah 2023, ka elElimination Round ka sdang naduh ka 9 tarik Nohprah 2023 bad kan iaid ter ter haduh ban poi sha ka Grand Finale ka ban long ha ka 31 tarik Kyllalyngkot 2024.
Ka Grand Finale kan long ja ka 31 tarik Kyllalyngkot ha Don Busco Youth Centre. Ka bai register kan dei 1000 tyngka bad ki nongiashimbynta kin dei tang ki nongshongshnong ka jylla Meghalaya.
Ha kane ka Rynsan yn don tang iwei iban long kum I nongjop bad nongjop hakane ka rynsan in ioh ia ka buskit ka ba 1lakh tyngka. Nalor kata in ioh long Brand Ambassadors jong ka Don Busco Media Network. Yn pynioh ruh ia ka lad ban leit ioh iakhun ha ki International level kum ka vocal star.
Kiba kwah ban thep kyrteng ki lah ban ioh Ia ki form na Reception jong ka Don Bosco Youth Centre khlem siewdon eiei lane ban shu download na ka youtube channel ka Don Busco Media Network.
