The Union Minister for Home Affairs and Cooperation, Shri Amit Shah chairs a Chintan Shivir of IPS officers posted in Central Armed Police Forces (CAPFs) and National Security Guard (NSG), in New Delhi on June 12, 2023.
New Delhi, Jylliew 26: U Myntri Sorkar Pdeng ba dei khmih ia ki tnat Kam Pohiing bad Cooperation, uAmit Shah u la ong ba hapoh ka jingialam jong u Myntri Rangbah Duh, u Narendra Modi, kapolici ‘zero tolerance’ pyrshah ia ki drok ba la shim da ka tnat Kam Pohiing ka la ioh ia ki jingjop mynta.
Kawei na ki rishot jong kane ka polisi ka dei ka ‘Jingtrei jong baroh kawei ka Sorkar’ jong ka Sorkar Modi ha kaba ka jingiatreilang jong ki tnat bapher bapher ka pynkhlain shuh shuh ia ka polisi.
Ha ka khubor jong u ha ka “International Day against Drug Abuse and Illicit Trafficking”, u Myntri Sorkar Pdeng ba dei khmih ia ka tnat Kam Pohiing u la ong ba ha ka “International Day against Drug Abuse and Illicit Trafficking” mynta ka 26tarik u Jylliew.
U Myntri kam poh iing ka sorkar pdeng u ai khublei ia baroh ki kynhun bad ki briew kiba ialeh pyrshah ia ki drok. Ka long kaba sngewtynnad ruh ba ha kane ka por, ka Narcotics Control Bureau (NCB) ka dang pynlong ia ka ‘NashaMuktPakhwada’ ha baroh kawei ka India.
U Myntri u la ong ba ngin ym shah ia ka jingdie ia ki drok ha India, bad ngin ym shah ia ka jingkit ia ki drok sha kiwei kiwei ki bynta ka pyrthei lyngba ka India. Ha kane ka campaign pyrshah ia ki drok, baroh ki agency jong ka ri, khamtam ka “Narcotics Control Bureau” ki dang bteng ia ka jingiakhun.
Ban pynkhlain ia kane ka campaign, ka tnat Kam Pohiing ka la seng ia ka NCORD ha u 2019 bad la seng ruh ia kiAnti Narcotics Task Force (ANTF) ha ki tnat pulit jong baroh ki jylla, ia ka national conference ba nyngkong jong ka ANTF la pynlong ha u Iaiong 2023 ha Delhi.
UAmit Shah u la ong ba ka campaign pyrshah ia ka jingpyndonkambakla bad ki jingktah jong ki drok ka dei kaba dang iaidshakhmat ha ka ri lyngba ki rynsan bapher bapher.
Ka jingmyntoi na ka jingiakhun kaba pura pyrshah ia ki drok ka long ba katba la ioh kurup ia ki drok kiba kot sha tang T.768 klur ha u 2006-13, kane ka la kiew jan 30 shah sha ka T.22,000 klur ha u 2014-22.181% shuh shuh ki case ki dei kiba la buh pyrshah ia ki nongdie drok haba ianujor bad ka por mynshuwa.
Kane ka pyni ia ka jingkut jingmut jong ka Sorkar Modi na ka bynta ka India kaba lait na ki drok. Ngi la sdang ruh ia ka campaign ha u Jylliew 2022 ban pynduh ia ka jingpyndonkam biang ia ki drok ba la ioh kurup, hapoh kane ka campaign la pynduh kumba 6 lak kg ki drok ba la ioh kurup ha kylleng ka ri haduh mynta.
U Myntri u la ong ba la ka dei ka jingpynduh ia ka jingthung ia ki drok ne ka jingpynsaphriang jingtip, ka tnat Kam Pohiing ha ka jingiatreilang bad ki kynhun bad ki jylla bapher bapher, ka dang leh ia kaba donkam ban pynlong ia ka India kaba lait na ki drok, hynrei yn ym lah ban ioh ia ka jingjop khlem ka jingiashim bynta jong ki briew.
Ha kane ka sngi, ngakyntu ia ki briew jong ka ri ba kin kiar na ki drok bad kin iada ia ka longiing jong ki na ki drok. Ki drok kin pynjot ia ki samla bad ka imlang sahlang bad ka pisa ba kamai na ka jingdie ia ki drok ka dei kaba pyndonkam pyrshah ia ka jingshngain ha ka ri, Nga kyntu ia ki briew ba kin iashim bynta ha kane ka thma bad ba kin ai jingtip ia ki bor ba dei peit haba ki lap ia ka jingdie drok.
U Amit Shah u la ong ba u ngeit skhem ba lyngba ka jingiatreilang, ngin sa lah ban weng ia kane ka jingeh kaba wan na ki drok bad kot sha ka thong ban don ka India kaba lait na ki drok.
“Nga ai khublei sa shisien ia ka NCB bad kiwei kiwei ki kynhun kiba la nohsynniang ban trei na ka bynta ka thong jong ka Sorkar Mdoi bad ngakyrmen ba ngin ym shongthait haduh ngin da ioh ia ka jingjop ha kane ka jingiakhun pyrshah ia ki drok.
