Shillong, Lber 36: U Bah JB Basaiawmoit EM ba dei peit ia ka Labour haba jubab ia ka jingkylli jong u Bah J M Tynsong jong ka seng Congress u la ong ba ka Executive Committee kam don jingthmu ban aiwai ia ka Labour license.
Ha kawei pat ka jingkylli ha kaba ia dei bad ki kam skul, ka kong Grace Mary Kharpuri Em ba dei peit ia ka Education, haba jubab ia ka jingkylli jong u Bah JM Tynsong, ka long ba ka Executive committee kan dang hap ban shong pyrkhat ia kane ka kam bad kan sa shim ia ka rai ha ka por kaba biang.
U Bah KP Pangniang EM ba dei peit ia ki kam Elaka haba jubab ia ka jingkylli kaba la wanrah da u Bah M Nongrem bad ka jong u Bah A Nongrum ha kaba ia dei bad ka kam Syiem hapoh jong ka hima Mawsynram, la ong ba ka dei ka jingshisha ba ka tei ka hima kala ioh ia u Syiem ba pura.
Ha dien ba ki myntri jong ka hima Mawsynram kila ithuh ia u Syiem bad na ka liang jong ka Executive Committee kala pynskem ia u Bah Amos Singh Malngiang kum u syiem ba pura jong katei ka hima. Ia ka elelction la pynlong ha ka 28 tarik jong u bnai Risaw 2013.(SP News)
