Shillong, Rymphang 18: Mytna ka sngi u Secretary jong ka Regional Transport Authority (RTA) u bah R.Hinge u la pyntip paidbah ia ka dor bai shong kali ha kane ka sor Shillong bad ki khap sor bad kane ka dor kadei jong u snem 2020 ia kaba la pynmih ha ka 13th Kyllalyngkot 2020.
U Nongialam jong ki kali kamai u bah Wandonbok Jyrwa u la ong ba kane ka dor kaba la pyntip paidbah mynta ka sngi kam dei kaba thymmai hynrei ka dei kaba rim ia kaba la pynmih ha u bnai kyllalyngkot 2020 ha kaba ka dor jong ka Petrol ha kato ka por ka long T.74.42 tyngka shiliter bad mynta ka dor umphniang kala kiew.
Na ka liang jong ka MJACCV ha kane ka taiew ban wan kan ia kynduh ia ka sorkar ban bud dien ha kaba ia dei bad ka khajna jong ki kali ban sngewthuh ia ka jingmut jong ka sorkar ha kaba ia dei bad ka jingdawa ban map 50% ki bai kot bai sla ia ki kali kamai.
