Shillong, Kyllalyngkot 25: Ka Synjuk ki Rangbah Kur ka Bri-U Hynniewtrep (KARKBH) kala khot ia ka dorbar jong ki rangbah kur ba kan long ha ka 02nd Rymphang 2019 ha Sri Aurobindo Institute of Indian Culture Bivar Road Shillong kaba don mar pyrshah bad ka State Convention Centre.
Bah HS Shylla President jong ka synjuk haba kren ha ki nongthoh khubor mynta ka sngi u la kyntu ia baroh ki rangbah kur ba kin ia poi sha kane ka dorbar bad ka phang ban ia kren ha kane ka sngi ka long “ Ka bynta ki kur ha ka jaidbynriew”.
Na ka liang jong ka seng ka khot ka wer ia baroh ban ia wan sha kane ka dorbar, la kyntu ia baroh ki nongialam kur, ki rangbah kur ba kin shim ia kane ka khubor kum ka jingkhot ia baroh sha kane ka dorbar.
