Shillong, Iaiong 13: Ka election committe jong ka Khasi Students’ Union (KSU) lyngba kane ka kyrwoh ka pynbna ba kan sa pynlong ia ka election ban jied ia ki nongkitkam sha ka KSU West Khasi Hills District Unit na ka bynta ka samoi treikam 2017 – 2020 ha ka 5 tarik u Jymmang 2017 ha sor Nongstoin.
Ha kaba ia dei ban kane ka kam ka Election Committee kan sam ia ki Nomination Forms naduh mynta ka sngi hapoh ophis treikam ka seng ha Jaiaw naduh 10:00 mynstep haduh 5:00 janmiet.Ka sngi ba khatduh ban pynpoi ia ki nomination forms kan long ha ka 20 tarik u Iaiong 2017 ha ophis treikam ka seng.
Ban weng ia ka nomination ka sngi ba khatduh kan long ha ka 25 tarik Iaiong 2017 ha lane shwa ka 5:00 baje janmiet bad ia ka scrutiny yn pynlong ha ka sngi kaba bud kata ka 26 tarik u Iaiong 2017 ha ophis treikam ka seng.
La kyrpad ruh ia baroh ki tnad treikam kiba hap hapoh ka West Khasi Hills District Unit ba kin pynpoi ia ki kyrteng jong shiphew ngut na kawei ka tnad treikam ki ban ia shim bynta ha ka jingthep vote ha lane shwa ka 20 tarik u Iaiong 2017, la ong u Bah Barikular Nongsiej Secretary Election Committee jong ka seng KSU.
