Shillong, Iaiong 19: U Chief Electoral Officer ka jylla u Dr. BDR Tiwari la iathuh ba ka elekshon ban jied ia ki MP sha Lok Sabha kaba 18 kala iaid beit bad khlem don kano kano ka huri hura na kane ka bynta jong ka jylla.
Haba jubab ia ka jingkylli la ong ba halor ka jingsaphriang ka dur bala shon ha jaka thep vote na ka liang jong u CEO la ong ba u Returning Officer jong ka 1-Shillong (ST) Parliamentary konstitwensi yn sa peit bad leh ia kaba don kam.
La ong ba ka ain ka don bad kin sa la leh ia kaba don kat katkum ki kyndon kiba la buh da ka Election Commission jong ka Ri India, halor ki jingshah kynnoh kin sa peit katkum ki jingjia bad ki kyndon kiba la buh da ka EC ha dien kata kin sa leh ia kaba don kam katkum ki kyndon.
Hynrei la ong ba baroh kawei ka jylla kala iaid beit iaid ryntih khlem don kano kano ka jingia kaba sngewsih, ka elelshon kala iaid beit iaid ryntih ha baroh kawei ka jylla, kane ka jingkhublei ka leit sha baroh kiba ia don bynta lang ban pynlong ia ka lekshon kaba iaid beit.
