Shillong, Jymmang 19: Ia ka Eastern West Khasi Hills District la plie da u myntri rangbah ka jylla Meghalaya u Conrad K Sangma ha ka 10th Naiwieng 2021 bad kane ka District kala don ia u Deputy Commissioner bad ia u Superintendent ki pulit kiba la don hapoh kane ka District.
Ki kam ki jam jong ki ophis sorkar kiba dei katkum ka bor jong ki District kiba la don ha kane ka District kaba thymmai kila trei kam kumba ka dei ban long bad kala wanrah ia ka jingsuk ia ki paidbah kiba hap hapoh ka ne ka District.
Hynrei kaba pynlyngoh ia ki paidbah ban kylli ia ka tnad pulit ba balei ka kyrteng jong ka Eastern West Khasi Hills District kam pat paw kyrteng hapoh jong ka website jong ka tnad pulit ka jylla Meghalaya wat la kane ka District kal jan dap ar snem mynta naduh bala plie ia ka.
Ha ka webstie jong pulit, ki District kiba la don kyrteng ki long tang 11 tylli ki District, katba ka jylla kala don 12 tylli ki District, kaba la kdew ha ka bynta ka jingdon ia ki number phone, Deputy Inspector General ki pulit Eastern bad Western Range bad District Superintendents ki Police.
Ki District kiba la paw ki long, East Khasi Hills District, West Khasi Hills District, Ri Bhoi District, West Jaintia Hills District, East Jaintia Hills District, South West Khasi Hills District.
Ka East Garo Hills District, South Garo Hills District, North Garo Hills District, West Garo Hills District, South West Garo Hills District, katba ka Eastern West Khasi Hills District kam paw paw kyrteng wat la kane ka District kala jan dap mynta ar snem.
