Shillong, Risaw 29: Ka seng Hynñiewtrep Integrated Territorial Organization (H.I.T.O) kam lah ban pdiang iaka jingkynthoh u Chief Electoral Officer (CEO) ka jylla ia ki paidbah halor ka jingpynkheiñ kyndon Covid protocol ha kane ka election-shiteng samoi ka ba dang shu kut mynshisngi.kane ka jingkynthoh ka mih haka online news wyrta ha ka 28/10/2021
Ka seng kala ong ba ka jingkynthoh bad jingkynnoh ka dei ban leit shaki party bad sha ki bor District kiba ai jingbit ban pynlong jingialang paidbah bad haka juh ka por ngi tip shai ba ha man ki jingialang paidbah haki por election ki don ki nongpeit pyrman ba kan nym don kano kano ka jingpynkheiñ aiñ.
Ka seng HITO ka ong ba khamtam kum hakine ki por ba dang don u khlam covid ki dei ban pynrykhing iaki rukom ialum paidbah dakaba bud ia ki kyndon bala buh daka sorkar jylla bad sorkar kmie.
kaba sngewlynngoh pat ba kumno kat u CEO u dang kren bad kynnoh iaki paidbah haka jingshisha u la dei ban kren hashwa ban sdang ka election hynrei u kren dang mynta ynda kut ka election na naka liang ka seng kin nym lah ban pdiang ia ka jingkren jong u CEO.
Ka HITO ka dawa ruh ba ki bor District ki dei ban ai jingshai sha ki paidbah halor kane khnang ba ngin shai bad ym dei ban leh shiliang iano iano ngi la sakhi ba hakino kino ki jingialang bad jingialum paidbah ka sorkar ka ai jingbit ryngkat bad ki kyndon hynrei haki seng saiñpyrthei pat ki ioh ban leh katba kimono.
Ka HITO ka ong ba imat ki party kilah ban pynkheiñ aiñ katba ia ki paidbah tang shu bakla la shah daiñ kuna, ka seng kala dawa ruh baka sorkar ka dei ban pynphai lut iaka pisa ba kala daiñ kuna iaki paidbah haki por khangdam bad haki por ba don ka containment measure, la ong u Wanbun N Dkhar General Secretary ka HITO.
