Ka Horticulture Department kan pynshlur ia ka rep ba pynduna dawai

Shillong, Naitung  02: Ka sorkar Meghalaya lyngba ka tand rep soh mynta kan pynshlur ia ki paidbah nongrep jong ka jylla ban pynshlur ia ki ban rep ia ki jingrep kiba khlem pyndon kam ia ki dawai sboh kiba juh pyndon kam mynta, hynrei yn ptnshlur ia ki nongrep da kaba pyndon kam ia ki sboh ba khlem khleh dawai.

Ka tand rep soh rep pai mynta kala pynkhreh ia ka master plan ban rep ia ki jingrep kiba khlem pyndon kam dawa ka ban long haduh 2 heaters ha kane ka jylla ha kine ki san snem ban dang wan, ha ka snem kaba nyngkong kin shim 20,000 heaters, ka snem kaba ar kan long 40,000 heaters bad ia kaba sah yn pyndep hapoh ki san snem.

Haba kren ha u SP News Agency u  Director Horticulture Department u Daniel Ingty, u la ong ba na ka liang jong ka department kan sdang shuwa ban pynshlur kumha ka rep Kait, rep Sohtrun bad ki jaitsoh kiba bun jait, nalor kine kin pynshlur ruh ban rep Syieng, Shynrai, u kba bad ki musli musla.

Ban pynshlur ia ki nongrep ha ka rep ba khlem pyndon kam dawai ka sorkar kala shim ia ka rai ban nym kyrshan shuh ia ki nongrep ban pyndon kam sboh dawai kiba lah ban ktah ia ka koit ka khaih hynrei kin kyrshan ia ki nongrep kiba pyndon kam ia ki sboh dawai kiba yn nym ktah ia ka koit ka khiah jong ki briew.

Ban pynurlong ia kaneka jingthrang jong ka sorkar, ka tand repsoh kala phah ia ka skhim sha ka North Eastern Council ba kan ai ka jingkyrshan ia kane ka jingthmu jong ka sorkar, ia mynta ka jylla Meghalaya kala ioh ia ka jingthuh ia ki lai tylli ki marrep kiba khlem pyndon kam dawai,kita kilong u slasha, u Shynrai bad cashewnut.(SP News)