Shillong, Jymmang 20: Kum shi bynta ban iakhun ia ka jingsniew bad jingma ba mih na ka kyrni dih droks bad ban iarap ia ki khun samla kiba lah ngat ha une u sohkyrdot jong ka jing kyrni ha ryngkat ka jingiatreilang bad ki bahaing hasem, ka HYC kila ioh ban ia syllok bad ialam ia ki 2 ngut ki samla sha ka jaka Sumar kaba don hajan Guwahati, Assam ha ka 19.5.24.
Ia kine ki samla la ialam da ki bahaing ha sem jong ki ha ka jing synran jong ki Nongialam ka Seng kiba lah leit hi shaduh ka jaka ai jing sumar sha Guwahati namar kila ngop ha ka jingkyrni dih drok kitei ki samla ar ngut.
Ia ka kynhun jong ka Seng la ialam da u Samla Rangbah Donboklang Kharlyngdoh, Vice President, CEC ha ka jingdon ryngkat kiwei ki Nongialam ba kynthup ia u Samla Francis G Mawlong, Vice President, Samla Isaac Basaiawmoit, Secretary, Samla John Lyngdoh, Chief Organising Secretary bad kiwei ki dkhot ka CEC.
Ka Seng nalor ki jingkhynra kan pyrshang ruh ban iakren ia syllok bad Kiba kum kine ki khun Samla ha ryngkat ki bahaing hasem ba kin wad lad wad lynti ban buh ia ki ha ki jaka sumar bad na ka liang ka Seng kan iarap ruh Kat I bor ba lah na bynta ban ia thawlad ba ki khun samla ka Jaidbynriew ki ioh ia ki lad sumar bad kin lait na kanr ka jingpang kyrni droks.
