Shillong, Naiwieng 12: Ka Jaitbynriew kam don ha Tmier riat hynrei ka don hapdeng ka jingialeh ong u Nongialam ba ha khliehduh ka seng KSU u Samla Lambokstarwell Marngar haba kren ha ka jingialang pynskhem bad pyntian smai ia ki nongkitkam jong ka KSU Nongthliew Unit ,West Khasi Hills District.Haka ba la pynlong ia ka jingialang ha shnong Nongthliew Ha ka 12 Tarik Naiwieng 2021.
Shuh shuh u la ong ruh ba ki samla kiba pynia snoh ialade sha ka seng ki dei ban don ia ka nongrim kumba ka seng ka la ieng haduh kine ki sngi kiba mynta ban ialeh bad iai dawa ia ka ILP bad shibun ki ain kiban iada ia ka Jaitbynriew.
Ha kane ka jingialang pynskhem ia ki Nongkitkam ka KSU Nongthliew la ia synran lang da u Samla Badonkupar Nongbri Assistant Office Secretary KSU CEC uba la pyniaid ruh ia ka jingialang , la ioh jingkren ruh na Samla Meaning Pathaw President Nongthliew Circle, Samla Banlumlang Rani Vice President Tyrsad Circle, Samla Wallam Nongsiej Vice President Delhi Unit bad kumjuh ruh na u Samla Iashanborlang Mukhim Assistant Organising Secretary KSU CEC.
Ha kane ka jingialang pynskhem bad pyntian smai la don kumba Lai Phew ngut ei ei ki Samla ka Shnong Nongthliew kiba la pyn iasoh bad ka KSU.
