Shillong, Jymmang 01: U Deputy Commisioner jong ka Eaa]st khasi Hills District u SC Sadhu mynta ka sngi ka 1 tarik u Jymmang 2024 u la lum ia ka jingialang ban ia kren bad ka mat ha ka ba iadei bad ka Lum Survey.
Ha ka jingiakren bad ki nongthoh khubor na ka liang u DC u SC Sadhu u la ong ba ki ba wan ban mih khmat ha kane ka jingialang ki kynthup na ka Defence Estate Officer ha ka ba ki la ong ba ki dang khmih bniah ia kane ka jaka bad u la ong ruh ba kane ka jaka ka dang don ha pdeng ka mukot duma ha ka iing bishar.
U Sadhu u la ong ruh ba kane ka jaka ha duh mynta ka dang don ha ka mukot duma hapdeng ka Defence bad ki kato katne ki riew paidbah bad na ka liang ka Iing bishar shen kan sa pynbna ia ka jinglongtrai ia kane ka jaka ha ryngkat ki sakhie satar ki ba biang. U la ongruh ba ka jingpynsngew ia kane la dep ban pynlong ha u bnai Nohprah bad kan sa long pat ha ka 17 tarik u Jymmang 2024.
U sadhu u la ong ruh ba kum ka district baroh kawei ka kwah ban weng noh ia baroh kine ki jingsniew bad jingleh beain ki ba mih na kine ki jaka hynrei ban weng ia kine ka donkam ban hap watjingtip bad ban pan ia baroh ki jingtip na u SP bad ban pynlong ia ka kynduh lang bad baroh khnang ban lah ban tihbniah halor kane ka bynta.
U Sadhu u la ong ruh ba ha ka ba iadei bad u drug na ka liang ka iing bishar ka dang iaid shakhmat ban pynmih ia ka kaiphot bad kumta ka don kam ba kin iaid kat kum ka ain halor kane ka bynta.
