Jowai Risaw 02: Ka Seng Derew I War,Jowai ka dei kawei na ki ba peit na ka bynta ka bha ka miat ki briew na ka thain War Jaintia kala pynlong ia ka jingiakynduhlang ha kane ka 1 tarik October ha District Library Auditorium, Jowai kaba la long shisha kaba shongshit haduh katta katta ha rngkat ka jingiadonlang U Ma Stephanson Mukhim MLA uba long kum u kongsan ha kane ka sngi,i bah Phyrnailang Swer iba long kum U Symbud Kongsan ,u Dr M Talang , Rev H. H.Mohrmen , Ki Advisers jong kane ka Seng u Ma Kennedy Shylla bad u Ma Dapmon Syngkor, u Ma Michael Buam , ki Member jong kane ka Seng ,ki Samla Pule na thain War bad ki hajar ki riew paidbah na kiba sah ha Sor Jowai kiba la wan ban sakhi ia kane ka jingiakynduh lang ia kaba la pynphuh pynphieng da ki rwai ki shad bad kiwei kiba pynbyrngia.
Ha kaba ia dei bad kane ka sngi na ka liang kane ka seng ka la ioh ban pynkum burom naduh ki Samla kiba pass bha ha ki exam bapher bapher , ki ba trei shitom ha ki kam jong kane ka Seng , kiba pass ha ka Computer MS Office Cours ia kaba la sponsor da u MLA Ma Stephanson Mukhim ia kane ka Seng ,kiba ia shim bynta ha ka Education Programme naduh ka Quiz ,Drawing bad Essay Competition .
Bad ha kaba iadei bad kane ka sngi la ioh ia ka jingkren jingsneng jingkyntu bad ai mynsiem ia ki Samla jong ka thain War na ka liang u Ma Stephanson Mukhim (MLA) ,I Bah Phyrnailang Swer , H.H.Mohrmen, Dr M . Talang, Ma Kennedy Shylla Adviser bad na i Ma Michael Buam.
Haba i Symbud Kongsan u Bah Phyrnailang Swer i ai jingkren ha kane ka sngi i la ai jingkyntu ia ki samla jong ka thain War ba kum ki samla ngi mad shibun ki jingeh jingialeh ha ka jingiaid lynti kum ki samla khamtam ha kaba iadei bad ki ne ki sngi namar ba ki kam awria ki la nangroi , ki jingdih kum ka kiat ,drok ,duma kiba lah ban ban pynjot ia ka jingim samla kum ki samla namar lyngba ka jing pynmlien ia kine ki ki kam sniew kiba lah ban pynjot ia ka jaidbynriew barit paid jong ngi, u la ong ruh ba phi ki samla phi dei ki paia baskhem jong ka ri bad jaitbynriew bad ki nongialam na ka bynta ka Ri bad u la ong shuh shuh ruh phi ban don kata ka mynsiem jingiatylli naduh u Khynriam u pnar u bhoi u war namar ba ngi dei ka ri ba dang rit paid .
Bad haba u Kongsan u Ma Stephanson Mukhim I ia kren ha kane ka sngi u la ai jingiaroh shi katdei ia ki khun samla na ka thain War kiba pule ha sor Jowai ia ka jing lah jong ki ban pynlong haduh katne ia ka prokram kaba heh haduh kattne kattne bad ia ki kam kiba la trei , da kaba kyntu ruh ba kum ki samla phi dei ban don ka mynsiem iaishah ha kano kano ka kam ha ka jingiaid lynti kum ki samla khnang ba kin lah ban iaid shaphrang ia la ka jingim ba dangsah jong ki kum ki Samla bad u la ong ruh ba kum ki samla ba wan pule ha poh ka sor Jowai ki dei ban sngewthuh ia ka jing wan jong ki hangne ha sor Jowai ba ki wan pule ym ia kino kino kiba lah ban pynjot ia ka jingim samla khnang ban lyngba ka jingminot jong ki ban pule ia ki kot ka lah ban wan rah burom la ka iing ka sem ka thain bad ia ka jaidbynriew hi baroh kawei ,i la kyntu shuh shuh ia ki Samla pule ba ki dei ban don ka mynsiem dohiap ia kano kano ka kam kaba ki leh namar ki samla kidei ki lawei jong ka Ri bad ka Jaidbynriew hi baroh ka wei.
