Shillong, Iaiong 14: U Symbut Myntri Rangbah ka jylla u bah Prestone Tynsong mynta ka sngi u la kren shai ba ka jingai tika ban iada na ka jingpang COVID-19 ha ka jylla ka dei kaba la ai ei da ka sorkar pdeng ym don kam ba siew pisa.
Haba kren ha ki lat pathai khubor mynta ka sngi u bah Prestone u la ong ba ka jingai Tika mynta kan long ia baroh kiba la kynjoh ha ka rta kaba 45 snem, kane ka jingai tika ki paidbah kim don kam ban siew pisa la ki long ha ki jaka sumar jong ka sorkar lane wat jong ki riew shimet ruh kum juh.
La iathuh ba haduh mynta ha ka jylla baroh kawei ki don tang 25o tylli ki jaka ai Tika bad ka sorkar mynta ka sngi kala shim ia ka rai ban dang pynbun shuh shuh ia ki jaka ai Tika ha ka jylla na ka bynta ban pynsuk ia ki paidbah ba kin shim ia kane ka lat jingiada.
Na ka liang jong u symbut myntri rangbah ka jylla u kyntu ia ki paidbah ba kin long kiba phikir ban iada ia lade na kane ka khlam namar da ka jingaiphikir lang lah ban iada na ka jingsaphriang kane ka khniang jingpang.
