Shillong, Lber 13: Ka All India Congress Committee (AICC) mynta ka sngi kala pynmih ia ki kyrtong jong ka seng kiban ia khun ha kane ka MP election kaban long ha ka 9 tarik u bnai ban wan.
Ha kane ka jingpynmih kyrteng mynta ka sngi kala shai ba u Bah Vincent H Pala un long u kyrtong na ka 1-Shillong bad na ka 2-Tura la pynbeit ha kaba la weng noh ia ka kyrteng jong u Zenith Sangma bad la pynrung ia ka kyrteng jong u Daryl William Cheran Momin.
Haduh mynta kumba ka long ha Garo Hills ka jingiakhun ka long tang hapdeng ar ngut ki kyrtong, u Purno A Sangma na ka NPP bad u Daryl na ka Congress. Katba na ka 1-Shillong ki don lai ngut ki kyrtong, u Bah Vincent jong ka Congress, Bah Paul na ka UDP bad u Rev PBM Basaiawmoit kum u kyrtong shimet.(SP News)
