Shillong, Nohprah 24: Ka HYC Sengkmie nyngkong eh ka ai khublei ia ki ar sorkar ( Sorkar Meghalaya bad Sorkar Assam ) ba ki la sdang shim khia ban ia pynbeit noh ia u pud u sam.
Ka HYC ka khmih lyngti bad ha kine ki B’nai ban wan yn lah noh ban ia pynbeit ia u pud u sam bad ha shwa ban rakhe 50 snem ka Jylla ngi kwah ban iohi noh ba ka Meghalaya Kan Don noh la u Jong u pud u sam.
Ka seng ka ai khublei ruh ia ki regional Committee kiba la ialam ia ki Rangbah shnong , ki syiem raid , ki sirdar, ki syiem Jong ki hima khasi haba leit jurip. Ngi kmen ruh ban iohi ba ki briew ka KHADC ruh ki don lang.
Ka Seng ka dap da ka jingsngew sih pat ban iohi ba ha kine ki sngi ia ka Jingia leit ia kren pud ki minister namar ki iohi ba ka Assam ka kham Leh baheh bad ka kham pyni Bor. La ha West khasi hill district ne ha Ri Bhoi District ruh la iohi ba ka sorkar Assam ka kham Leh Hynmen Rangbah.
Ka HYC ka pynrem jur ia kane bad ka kwah ban iohi ba ka dei ban don ka Jingia burom mar kylliang bad la kyntu ia ki myntri ka Jylla Jong ngi, ia ki MLA , ia ka KHADC bad ia ki Nongialam ki Dorbar Trai Ri Jong ngi na phin sngewbha ban kham pyneh ka ryngdang bad ki Kam ym ban Shu shah jem ne ban Shu long tang ka trailers Jong ka jeep Assam .
Ka Seng ka kwah ban kren Shai ba ka jing ia pynbeit pud bad ka Assam Kan dei kat kum ki map, ki kot bad ki pud ki hima khasi ym da kaba Shu ia rah kti. Ki poiwir Nepali la ha langpih ne hakino kino ki jaka ia knieh pud kim dei ban Don Bor ban ioh Rai namar ki dei tang ki poiwir poiei ba Shu wan shong thap ha ki jaka ki hima khasi .
La kyrpat rit na ki hima , ki raid bad ki shnong ki hima khasi ba ngin nym ia shah ba kin Rai ki poiwir barri bad ki bar Jylla ia ka khyndew ka shyiap Jong ngi bad ia u pud ki hima khasi.
Ka Assam ka dei ban burom ia ka thymmei bad ia ka history Jong ngi bad kam dei ban Shu sngap ia ki poiwir shongthap . Kito ki poiwir bym kwah ban don ha Meghalaya ki lah ban mih noh na ki shnong bad ki jaka ki hima khasi ngim don kam ia ki.
Ka HYC dalei lei ruh em, ngin nym pdiang ia ki Jing rah kti ki poiwir ban pynhap jubor ia ki jaka ki hima khasi Sha Assam bad ngi pynrem jur ia ka polisi ban Shu ia ia phah rah kti khlem Da ia peit ia ka history bad ia ki jingshisha ba ki dei kija ki hima khasi.
Ia ka mynsiem Jong ka IOA &AA bad ia ka paragraph 20 Jong ka sixth schedule dei ban pynshong Nongrim bha haba ia kren ia u pud u sam, la ong u bah Roy Kupar Synrem general secretary ka HYC.
