Shillong, Lber 17: U bah Paul Lyngdoh nongktien ka sorkar jylla la ong ba ka jingiakren pynbeit puda ka Assam ha ki hynriew tylli ki jaka ba dangsah kan sdang biang ha dien ka dorbar mang tyngka 2023-2024.
Kaei kaba la ia kren ka long ha ki hynriew tylli kiba san ki long sa 6 tylli bad ka jingkam u myntri rangbah ka jylla Assam ia ka Mukroh ka long ka bym shong shnong nia namar ia u pud u sam ym pat lah ban pynbeit.
U Bah Paul la ong ba ia ka jylla Meghalaya la shna katkum ka ain jong ka dorbar bah jong ka Ri India ka Parliament ia kaba la batai ruh ia u pud u sam, namar ba ym pat lah ban pynbeit thikna ka jingiakren ia ki jaka kiba dang sah yn sa sdang ha dien ka dorbar mang tyngka.
Kaei kaba ka kabinet ka kren ka long ban ia kren baing ban pynbeit ia u u pud u sam ha pdeng kine ki ar tylli ki jala bad ia ki kyndon ban ia kren ka sorkar kan sa shim ia ka rai kumno ban iaid sha khmat ha kane ka jingiakren.
