Shillong, Nohprah 07: Ka jingialang kaba 40th jong ka Indian Academy jong ka Neurosciences (IAN) kala sdang mynta ka sngi ha skul bah North-Eastern Hill University, Shillong ia kaba la pynbeit da ka Department jong ka Biomedical Engineering, NEHU, Shillong.
Ha kane ka sngi u Prof. (Dr.) Nalin Mehta, Director ka NEIGRIHMS u la long u kongsan, ha kane ka jingialang la wan ban ia shim bynta da ki samla pule na kylleng ki kolej jong kane ka nongbah Shillong, ha kane ka sngi la batai na ki stad kylleng ka pyrthei ha kaba 450 ngut ki nongwan ia shim bynta.
Ki ri jong ka pyrthei kiba la wan ban ia shim bynta ha kane ka jingialang kaba lai sngi ki long na US, Malaysia, Singapore, Europe bad kiwei kwei bad ka jingkhublei ka leit sha u Prof. Shukla, Vice-Chancellor jong ka NEHU bala lah ban pdiang ia kum kane ka jingialang kaba heh ha kaba ki briew na kylleng ka pyrthei kila wan ban ia shim bynta.
Prof. Hussain, u khlieh ka tnad pule Technology la pynpaw ia ka jingsngew nguh bala jiad ia ka NEHU ban pynlong ia kane ka jingialang, u Prof. Vijay K Khanna, Secretary, IAN, ha kane ka sngi ki nonghikai na ki jaka pule bapher bapher kila ia don ban ia shim bynta.
Ha kine ki jingialang kaba lai sngi kin don shibun ki jingiamir jingmut hapdeng ki stad kiba la wan ka kylleng ka pyrthei ha kaba ia dei bad katei ka phang, man la u snem haba ia dei bad kane ka phang la juh don ki kot ba pynmih na kylleng ka pyrthei kila kot sha ka 3000 tylli ei ei.
U Vice Chancellor jong ka NEHU u Prof. Prabha Shankar Shukla u la kyntu ia u president ka IAN ban buh ia ka shnat trei kam ha kane ka skulbah NEHU, la ong ba na ki 3000 tylli ki jingthoh kiba la pynmih man u snem 2% na ki ki dei kiba pynmih na India.
