Shillong, Jymmang 24: U bah Bletsing Sun president ba shipor jong ka kur Sun sawkpoh kan pynlong ia ka jingialang ka kur ha ka sngi Saitjian ban wan ha St. Paul HSS Marbisu la kyntu ia baroh ki kur ban ia poi sha kane ka jingialang kaba ar kaba la long ha dien khatsan snem.
Haba kren ha ki lat pathai khubor mynta ka sngi la ong ba ka jingialang kur kaba nyngkong kala long ha ka snem 2005 hapoh ka jingialam u bah SK Sun bam kwai ha dwar u blei, kane ka jingialang kan pynskhem ruh ia ki nongkit kam la kur.
U bah Bletsing la ong ba na ka liang jong ka kur kala kren shai ba ka jingspel dak ia ka kur dei ban long ‘Sun’ ymd a kumwei pat, la pynshai ba ki kur sun sawkpoh, ki long Sun Nonglum, Sun Nongwah, Lyngdoh Tdong bad Lyngdoh Sla, kiba mih na ka Wat, Bud, Swet bad ka Ngen.
Ha ka juh ka por la kyntu ba kum ka kur kam dei ban ia bud tyneng namar kane ka bud tyneng ka wan rah ia ka jingjia ba sngewsih namar bun sien ka wanlam ia ka jingsngew bynniaw, kane ka jingialang kur ka long ban tehsong ia ka kur ka jaid.
