Shillong, Naiwieng 05: Ka jingap khmih lynti ia ka jingialang kynjat ball ha ka 2nd North East Olympic Games 2022 kan sdang la sngi Nyngkong bad ka jylla Meghalaya kala deo ban jied ia ki rangialehkai kiba dang hapoh ka 21 snem ki ban ialehkai ha kane ka kynti kaba mynta.
Ha kane ka jingailehkai kynjat ball ka Meghalaya ka don ha ka kynhun kaba ar, ki jylla kiba don lang ha kane ka kynhun ki long ka Nagaland, Arunachal Pradesh bad Sikkim, katba ha ka kynhun kaba nyngkong ki kynthup ia ka jylla Manipur, Mizoram, Assam, katba ka jylla Tripura kam shym ioh rung katba ka Nagaland ka phah tang ia ki team shynrang.
Ka kynhun ki kynthei kiba hadoh ka 17 snem ka rta kiba phah ia ki team ban ialehkai dei ka jylla Manipur, Assam, bad Sikkim ha ka kynhun kaba nyngkong katba ka Mizoram, Meghalaya, Arunachal Pradesh dei ha ka kynhun kaba ar.
Kiwei ki kynhun ialehkai kynjat ball kila sdang ban wan poi sha kane ka jylla ia kaba la pdiang burom ia ki shuwa ban ialam sha ki jaka sah, ki jingialehkai baroh kin long ha MFA Turf ha madan kaba lai ha Polo la pdiang ia baroh kiba wan peitkai.
Ha ka sngi nyngkong ka jingialehkai ha pdeng ka jylla Meghalaya bad ka jylla Sikkim na ka kynhun kaba nyngkong ha ka por 12.30 Pm na ka kynhun ba ar ka jingialehkai kan long ha pdeng Nagaland bad Aruncahla Pradesh na ka kynhun kaba nyngkong ha ka por 9.AM.
Na ka liang jong ki kynthei ha ka khynhun kaba nyngkong kan long ha pdeng ka jylla Manipur bad Assam por 11.00 AM, katba ha ka kynhun kaba ark an long ha pdeng ka jylla Meghalaya bad Mizoram por 3.00 Pm.
