Shillong, Lber 23: Ka Sawmer Sports and Cultural club ka la pynhap pyrda noh iaka 2nd Memorial (L) K.L. Swer Football Tournament 2014 ha ka 22nd Lber 2014 ha madan 4mer ha ka jingialang kaba iphuh iphieng ha kaba la iadon ryngkat bad sakhi lang ruh da kiba bun ki kynrem ki lyndan nalor ki paidbah nong shong shnong jong ka shnong Sawmer kynthup ruh naduh ki longkmie longkpa, ki khun samla bad kumjuh ruh ki hep kiba rit kiba la wan ban ai mynsiem ia ki ar tylli ki kynhun kiba la poi sha ka Final kiba kynthup ia ka khynhun ialehkai na ka Dong Lai Mer Shiteng Pyrshah ia ka kynhun ialehkai jong ka Dong Sawmer.
Ka jingialehkai kala kut noh ha kaba ka kynhun jong ka Dong Lai Mer Shiteng kala iohrah ia ka nam lahduh bad khur iaka song tyngka kaba T. 4,000/- (Saw Hajar Tyngka) da kaba iohthep da 3-0 ha kaba ka kynhun jong ka Sawmer kim shym la lah ban pynphai kylla.
U Bah Samuel Jyrwa (Chairman NESO) u la long kum u Kongsan ha katei ka sngi katba u Bah Bah Moris Shabong, Rangbah Shnong Sawmer pat kum u Symbud Kongsan.
Haba kren kum u kongsan ha katei ka sngi na ka liang jong u Bah Bah Samuel Jyrwa (Chairman NESO) u la ong ba dei lyngba jong ka Football kaba hikai ia ki Rangialehkai bad wat iaki nong peitkai ruh kumjuh ban don ia ka Mynsiem ialeh, Ka jingiatreilang (Team Work) ym ban shu pyrkhat tang ialade shimet lada ngi kwah shisha ban poi sha ka Thong jong ka jingjop.
Katba na ka liang jong u Bah Moris Shabong, Rangbah Shnong Sawmer haba kren kum u Symbud Kongsan u la phai khmat sha u Bah Samuel Jyrwa da kaba ong ba ka jing wan jong u Bah Samuel Jyrwa, Chairman jong ka NESO kan long ka jing ai mynsiem ia ki paidbah Nong shnong Shnong jong ka shnong Sawmer hi baroh kawei namar u dei shisha u khlur uba lam lynti ia ka Jaitbynriew hi baroh kawei.
kiwei pat ki napdeng ki Nong shah khot sngewbha ha katei ka sngi kiba la ai jingkren ki kynthup ia i Kong J. Shabong iba dei ruh i Kurim jong I (L) K.L. Swer, Bah Hamlet Dohling Ex. Genl-Secy KSU, bad u Samla Kitboklang Nongphlang President FKJGP Upper Shillong Circle.(SP News)
