Shillong, Rymphang 26: U myntri ba dei peit ia ki kam pynroi nongkyndong u Abu Taher Mondal haba jubab ia ka jingkylli jong u bah Heavingstone Kharpran, la ong ba ha kane ka shisnem la pynlong 9 tylli ki jingialang ha kaba ia dei lyngba ka DISHA.
Kane ka jingialang ka long ban peit ia ka jingpyntreikam ia ki skhim jong ka sorkar pdeng lyngba ka tnad myntroi nongkyndong ha kaba ki MP dei kum ki shnongknor ban khot ia kine ki jingialang ban peit ia ka jingpyntrei kam ia ki skhim jong ka sorkar pdeng.
Haba jubab ia ki jingkylli bynra na ka liang jong u myntri ka tnad pynroi nongkyndonh la ong ba ha kane ka shisnem kam shym don ka jingkhot ia ka jingialang jong ka DISHA ha kane shisnem ha East Khasi Hills District bad ha Ri Bhoi District.
Haba iarap ban jubab na ka liang jong u myntri rangbah ka jylla u Conrad K Sangma la ong ba kane kam dei ka bynta jong ka sorkar jylla, hynrei ka dei ka bynta jong ka sorkar pdeng ha kaba ki MP ki dei ki shongknor ban pyniaid ia kane ka jingialang kaba u la long teng u MP u sngewthuh ia kane.
Ha kane ka Kommittee ki nongmih khmat kum ki MLA ki long ki dkhot bad ki briew jong ka sorkar bad kane ka kommittee ka long ban peit ia ka jingpyntrei kam ia ki skhim jong ka sorkar pdeng ha ki District lyngba ka tnad pynroi nongkyndong.
