Shillong, Rymphang 28: U Myntri ba dei peit ia ka tnad bording jong ka jylla Meghalaya u James K Sangma u la iathuh ba ka ram baroh kaba ka jylla ka kit ram haduh T.1.100 klur tyngka bad kane ka dei kaba la iaid mynta la shiphew snem ei ei.
Haba kren ha ki lad pathai khubor naka liang jong u myntri u la ong ba kane ka jingkitram jong ka jylla kala iaid mynta la 10 snem lynter, haba ia dei bad ka jingpynlip light na ka liang jong ka sorkar kala pynlong noh tang ha ka por mynmiet kaba kadei ka por ba ki khynnah kin shongthiat.
Ka sorkar ka shim ia ka bor ding ilektrik ka long na ka NEPCO, na ka NTPC, bad kum juh na ka OTPC. Na ka liang jong u myntri u la iathuh ba ka jingpynmih bor ding ha ka por rang ka long tang kumba 160 haduh 170 Megawatt, katba ha ka por slap pynmih pahuh kumba 25% na ka jingdon kam.
