Shillong, Lber 04: Ka jingkylla sted ha ki kor ki bor kala wanrah ia ka jingkylla ha ka ioh ka kot jong ki paidbah, na ka liang jong ka sorkar ka long ka nongkyrshan lang ban pynpoi sha ki paidbah nongshong kiba don ha kylleng ban iarap ban kyntiew ia ka ioh ka kot ka jong ki.
Mynta ka don ka jingpyrkhat kaba thymmai ban wanrah ia shibun ki lat ban pynmih ia ki kor ki bor ki ban lah ban pynneh bad pynsah na ka bynta ban kyntiew ia ka jingdon kam ha ka ri baroh kawei, kiba pyndon kam ha ka koit ka khiah, ka Um, ka jingpynmih bor ding bad ia ka jingkylla ka mariang.
Ka tnad The Department of Biotechnology (DBT), jong ka tnad saian ka dei ka tnd sorkar kaba dei peit ban ia kane ka bynta ban kyntiew ia ka jingpyndon kam ia ki kor ki bor hapoh ka ri ha kaba ka kabinet jong ka sorkar pdeng kala ai ia ka jingmynjur.
Kiba la ioh ia ka jingmynjur jong ka sorkar pdeng ki don 14 tylli ki khynhun wat bniah ban long kiba laitluid bad iaki la pynhap hapoh kawei ka kynhun kaba la tip kum ka Apex Autonomous Society viz. Biotechnology Research and Innovation Council (BRIC) ban pynlong ia kawei ka jingtreikam ha kylleng ka ri.
Ha kane ka jingithuh jong ka sorkar pdeng ia ki kynhun wat bniah ka Institute jong ka Bioresources and Sustainable Development (IBSD) ka dei kawei na ki 14 tylli kaba dei kawei na ki kynhun wat bnaih kaba don ha jylla shatei lam mih ngi jong ka Ri India kaba ka ophis ba ha khlieh duh jong ka ka don ha jylla Manipur.
KI shnat treikam jong ka ki don ha ki don ha Gangtok ka jylla Sikkim, Shillong jong ka jylla Meghalaya bad Aizawl jong ka jylla Mizoram. Ka IBSD ka shimlang ia baroh ki jait jingwat bniah ha ki ba bun ki liang kyntup ia ka rukom sumar tynrai ha kane ka thain shatei lam mihngi jong ka Ri Ri India kaba la kyntiew ha ka ioh ka kot bad kum juh ka jingioh kam ioh jam.
Ki kato katne ki bynta kiba ka BRIC kan trei kam kan kyntup ia ki 14 tylli ki bynta ban wt bniah, kane ka kynhun kan iarap ban kyntiew ia ka riewlum da kaba btai bniah ia ka jigntip ka jong ki. Kine ki jaka wat bniah kin pyndon kam ia ki jaka jong ki da kaba ia treilang ruh bad kiwei.
Kine ki kynhun kin pyndon kam ia ki kor ki bor jong kane ka juk kaba mynta ban kyntiew ia ka ioh ka kot bad kan don kawei ka jaka pdeng ban hikai ha duh ka kyrdan Ph.D h baroh ki jaka ba don ki BRIC bad kawei ka jaka pdeng ban don ha Faridabad kum ka Regional Centre na ka bynta ka Biotechnology, ha kaba ki samla pule kin ioh ia ka jingkyrshna ha ka jingshah hikai ha ki lai bnai na ka “Grand Challenges India” program.
Ka BRIC kan kyntiew iaki kam wat bniah ha kane ka thain shatei lam mih ngi ban kyntiew ia ka ioh ka kot, namar kanne ka thain kan long ka phang pdeng ban kyntiew iaka ioh ka kot jong ka Ri India hi baroh kawei.
