Shillong, Iaiong 30: U A T Mondal u Myntri ba dei khih jong ka tnad Sambording jong ka sorkar Jylla u la pyntipba ka jingpynlip bording khah khah ha ka Jylla bad ha Shillong ka dei namar ba ka don ka jingmaramot hapoh ka jylla.
Ha ba ioh ban ia kren bad ki nongthoh khubor na ka liang u Myntri u la ong ba ka jingpynlip bording ka lah ban dei na ka jingkemding jongki transformer, ka jingpom pyrthad ne ka lah ban dei ruh na ka jingkhylem ki ding ha ki sainar light ne ka la ban dei ruh na kiwei pat ki daw.
U Mondal u la ong ruh ba kane ka jingpynlip light khah khah jong ka tnadbording ha kine ki khyndiat sngi ka lah ban dei na ka jingkhylem ki ding ha ki wire Light ka ba lah ban lam sha ka jingduh bording.
U la ban ruh ba ha duh mynta na ka liang ka sorkar kam shimladon kano kano ka jingthmu ban ai ia ka load shedding ha poh ka jylla bad u la ong ruh ba na ka liang ka sorkar kam kwah ban kan pynthud ia ki examin bapher bapher jong ki khynnah bad khmatam ha kane ka por ba ka ri ka don ha ka jinjied ia ki nongmih khmat sha ka Loksabha.
U Mondal u la pynpaw ruh ka jingkmen ba mynta u snem wat hapdeng ki ba bun ki jingeh ka jingpynlip bording kam pat trei kam ha kaba ka la long ruh ka jingiarap ia ki samla pule ki ba pynkhreh ia ki eksamin bapher bapher bad kujuhruh ia ki nongshong shnong ym kumba ka jia ha u snem ba la dep hakaba ka um ruh ka la hiar bha namar ka jingduna ha ka jinghap slap.
