Shillong, Rymphang 29: Ki nongialam jongka Khasi Hills Autonomous District Council ki ba kynthup na duh deputy CEM u bah Pynshngain N Syiem ha ryngkat ka jingsynran lang jong ki MDC ka Liang synshar bad ki Liangiatei bad kumjuh ruh ki ophisar jong ka KHADC.
Kane ka jingleit ban jurip ia kane ka Khasi Heritage Village ka long Kum shibynta jongka ka jingpynkhreh ia ka tamasa pyn I paidbah ia ka jingriewspah jong ka riti dustur kata ka Monolith Festival ia ka ba ynpynlong ha ki lai sngi kynthih.
Kane ka tamasa ia ka ba yn pynlong na duh ka 7, 8 bad 9 tarik u bnai lber 2024 bad kine ki Tarik ki dei ki ba la pynkynriah ha ka wat ka ba lai bad kham mynshwa la rai ban pynlong ha ka 1 tarik u Rymphang ha duh ka 3 tarik u rymphang bad ha dien pat la pynkynriah ban long noh ha ka 22, 23 bad 24 tarik jong u Rymphang.
Ha kaba ha ka 12 tarik Rymphang 2024 la pyntip biang ba ka coordination committee monolith Festival 2024 ka ba shong jingialang kyrkieh ha KHADC ha ryngkat ka jingiadon lang ki executive members, ki MDC, ki nongmih khmat na ka Hima Mawphlang ka event management team bad kiwei kiwei ka la pynkynriah biang ia ka Tarik.
Ha ka jingleit jurip sha ka tei ka jaka ka ban pynlong ia ka tamasa ha ka ban peit ia ki kam la ki iaid beit shakhmat ne em na ka liang u bah Pynshngain u la ialam lang ia ki MDC ki ba kynthup na ka liangsynshar bad ka liangiatei bad la shem ba ka kam la dep ban pynkhreh haduh 95%.
Ha ba kren sha ki lad pathai khubor na ka liang u bah Pynshngain N Syiem u ba dei u Deputy CEM ka KHADC u la ong ba u da sngewkmen ba ka jingpynkhreh ia ka kam ka la iaid la kumba 95% bad ki don sa tang kato katne ki ban sa lah ban pyndep ha kine ki shisngi ne ar sngi ha shwa ban sdang ia kane ka Tamasa.
Ha ba jingkren na ka liang u bah Alanwest Kharkongor u la ong ba kidon arbynta ki dukan ha kane ka tamasa ha ka ba kawei ka dei na ka bynta kiba die ia ki tiar ki ba rykhiang kum ki tiarput tiartem tynrai bad kiwei kiwei iakaba yndie hapoh jongka Khasi Heritage Village.
Katba ia ki dukan ki ba don hajan ka Lawkyntang la buh kyrpang na ka bynta ban pyn I ia ka bam tynrai, kynthup ia ka bam kdang, ki don ruh ki ruh ki dukan ki ban buh ia ki dohthad , ki doh snam bad kiwei kiwei.
Kindon ruh ki dukan ki ban pyni ia ki jingialeh kai tynrai bad ki dukan ki ban pyn I ia ki jingdih tynrai. u la ong ruh ba ha kane ka kynti ba mynta ki don baroh 80 tylli ki dukan ha ka ba u kyrmen ba kine ki dukan kin ia lahdie bah ha kane ka tamasa.
Ha kane ka tamasa kin don ruh ki jingpyn I nam ia ka shad tynrai jong ki khasi ki ba kynthup na kylleng ki Hima, ki raid bad ki sordarship ki ba don ha khasi Hills.
Hakne ka sngi kindon ruh ki nongrwai kiba la kham paw ha Khasi bad ki la kyrpad ia ki paidbah ba kinwan sha kane ka tamasa khnag ba kin ioh I da la kijong ki khmat ia ka jinriewspah ka tynrai u khasi.
