Shillong, Iaiong 02: Ka North Eastern Electric Power Corporation Limited (NEEPCO) mynta ka sngi ka 2 tarik u Iaiong 2024 ka la rakhe ia ka jingiaid lynti ia u mawmer ba 49 snem ha ka ba kala pynlong hapoh ka cooperate office Shillong bad habaroh ki shlem treikam jong ka. Ha kane ka jingrakhe ia une u mawmer ba 49 snem la wan ban ia don lang da U Gurdeep Singh, u ba dei u CMD bad kiwei kiwei pat.
Ha ba ai jingkren ha kane ka sngi na ka liang u Singh u la ong ba ka NEEPO ka don ia ki shlem pynmih bording ki ba la tip kum ka Panyor Lower Hydro Power Station, ka ba ha Arunachal Pradesh, ka Tuirial Hydro power station kaba ha Mizoram, ka pare hydro power station kaba ha Arunachal Pradesh ka agartala gas based power station kaba ha Tripura bad ka assam gas based power station kaba ha Assam.
U la ong ruh ba na ka liang jong u, u da sngew hun ia ka jingtrei ka jong ka NNEEPO wat hapdeng ki jingeh ba ki ia kynduh bad u la pynpaw ka jingsngew skhe ba ka NEEPO kan lah ban pyntrei ka ia ki project ha wah Umaim hapoh ka Jylla.
U la ong ba na ka liang ka NEEPCO kan pyntrei kam ia ka clean and Green energy, u la ong ruh ba na ka liang jong u, u la ioh ban ia kren bad u Chief Minister jong ka Jylla ha ka ba iadei bad ki project jong ka wah umiam bad kiwei kiwei pat. Ha kane ka sngi la ioh ruh ia ka jingpynbyrngi na ki nongtem jong ka 58GTC pipe Band.
