New Delhi, Rymphang 03: Ka Election Commission of India (ECI) ka dang pynkhreh ia ka jingpynlongkhyndai tylli ki elekshon sha ka iing dorbar thawain mynta u snem bad ki elekshonLokSabha ha une u snem ban wan da ka jingthmu ban pynbun ki nongthep vote lyngba ki sienjam bapher bapher.
Kum kawei na kine ki sienjam, ka ECI ha ka jingiatreilang bad ka SubhashGhai Foundation ka la pynmih ia ka jingrwai – ‘Main Bharat Hoon, Hum Bharat keMatdataHain’ ha kaba la iadon bynta ki riewpawkhmat bapher bapher, kiba kyntu ia ki nongthepvote ba kin leitthep vote bad pyndep ia ka kamram jong ki ha kaba iadei bad ka RitiSynshar.
Kane ka jingrwai kaba la tem ha ka jingiadonlang ka President jong ka India ha ka National Voter’s Day (NVD) kaba 13 ha ka 25 tarik u Kyllalyngkot, ka dei kaba la sdang ban saphriang ha social media lyngba ki riewpawkhmat bad ki influencer.
Hapoh shi taiew ba la pynmih ia ka, ka jingrwai ha ka ktien Hindi bad kiwei kiwei kiktien ka dei kaba la peit 3.5 laksien bad ka la don ruh 5.6 lak ki impression ha saw tylli ki rynsan social media kum ka Facebook, Instagram, Twitter bad YouTube.
Kane ka jingrwai ka dei kawei na ki sienjam jong ka ‘Systematic Voter’s Education and Electoral Participation (SVEEP) programme jong ka ECI, kaba dei ka prokram ai jinghikai ia ki nongthep vote kaba peit bniah ia ka jingpynioh bynta ia baroh bad ki rukom pynkhreh kam ban kyntiew ia ka jingiashim bynta baroh ki nongthep vote hapoh ka phang‘No Voter to be Left Behind.’ jong ka ECI.
Kane ka jingrwai ka thmu ban ai jinghikai ia ki nongthep vote shaphang ka hok bad ka kamram jong ki ban pynkhlain ia ka synsharpaidbah bad ruh ban ai mynsiem ia ki ba kin iashim bynta shuh shuh ha ki kam elekshon.
La pyndep ia ka jingrwaihadien ki jingiamir jingmut jong ka kynhun ba longkhlieh da u SubhashGhai bad ka Election Commission ba longkhlieh da u Rajiv Kumar, Chief Election Commissioner ha kaba la wan iashim bynta lang da u Anup Chandra Pandey, EC bad u ArunGoel, EC.
Haba kren shaphang kane ka jingrwai, u Chief Election Commissioner u la ong, “Kane ka jingrwai ka dei kaba la aiti sha ki nongthep vote kiba pdiang ia la ka kamram na ka bynta ka ri da kaba wan thep vote wat hapdeng ki jingeh.
Kane ka jingrwai ka ai mynsiem ia kito kiba wan thep vote nyngkong, ka ai mynsiem ia kito ki ban thep vote ha ki por ban wan bad ki nongthep vote kiba dang samla, ka pyni ia ki jingangnud jong ki nongthep vote kiba la tam 100 snem ka rta.
Ki nongthep vote kiba trei ha ki kam Sorkar, ki nongthep vote kiba don jingduna ha ki dkhot met, ka kren shaphang ki longkmie ba thep vote kiba la pyni ia ka jingngeit ha ka synsharpaidbah bad kiba kham bun ia ki nongthep vote shynrang ha ki elekshon ha u snem 2019 bad kiba la buh ia ka thong kaba thymmai hakhmat ka ECI bad hakhmat lade.
Da kaba rakhe ia ka jingbun ki jingiapher hapoh ka India, ka jingrwai ka pyrshang ban noh synniang sha ka phang NVD 2023 kaba long ‘Nothing like voting, I vote for sure.”
Katto katne ki mat ba kongsan jong kane ka jingrwai ki long, Ki kyntien ba ai mynsiem jong kane ka jingrwai ki dei kiba la thoh da u nongshna phlim ba pawnam, u SubhashGhai ha ka jingiatreilang bad ka Whistling Woods International School of Music, Mumbai.
Ka jingrwai ka dei kaba la rwai ha ka ktien Hindi bad 12 tylli kiwei kiwei ki ktien jong ka ri kiba long ka Bengali, Marathi, Gujarati, Punjabi, Tamil, Telugu, Kannada, Malayalam, Assamese, Odia, Kashmiri, Santali. Ka chorus jong ka jingrwai ‘Mai Bharat Hoon’ ka long kumjuh ha baroh kine ki jingrwai ba rwai ha ki ktien bapher bapher.
Ki nongrwai ha ka jingrwai Hindi ki long u Sukhvinder Singh, Kavita Krishna Murthy, Sonu Nigam, Hari Haran, AlkaYagnik, Javed Ali, KS Chithra, KaushikiChakravarthy, Ustad Rashid Khan
Ki nongrwai ha kiwei kiwei ki ktien ki dei KaushikiChakraborty, VaishaliSamant, BhoomiTrivedi, Mika Singh, K. S. Chithra, Mano, Vijay Prakash, Vijay Yesudas, Papon, DiptiRekhaPadhi, Mehmeet Syed, PankajJal.
Ka jingrwai ka dei kaba bun jait kiba long ha ka ktien Hindi, ha ki ktien bapher bapher, kaba shu tem khlem rwai, kaba tem tang da ka piano, ka international soundtrack, bad ka ringtone.
Ka jingrwai ka dei ka dak jong ka jingbunjingpher hapdeng ki nongthep vote kiba long ki longkmie, ki samla, kito kiba la tam 100 snem, kito kiba don jingduna ha ki dkhot met bad ka dei ka dak jong ki kam elekshon kiba pdiang lang ia baroh.
La pynmih ia kane ka jingrwai da kaba kynmaw ia ki jingpher ha ki thain, ka deiriti, ka imlang sahlang bad ka ioh ka kot ha ka ri bad ka kdew ruh ia ka bor jong ki nongthep vote.
U ECI Icon PankajTripathi ha ryngkat ki riewpawkhmat kum u Anil Kapoor, SidharthMalhotra, R. Madhavan, SubodhBhave, ProsenjitChatterjee, Mohanlal, Kapil Bora, Suriya, GippyGrewal, Shubman Gill, Harshal Patel, IshanKishan, HardikPandya, YuzvendraChahal, SuryakumarYadav, ShreyasIyer ki dei kiba paw ha ka video jong kane ka jingrwai kaba ban jur halor ka ‘Value of One Vote.’
U director, nongpynmih bad nongthohSubhashGhai, ki nongrwai kum u Sonu Nigam, Ustad Rashid Khan, K.S Chithra, DeeptiRekhaPadhi, VaishaliSamant, Mehmeet Syed, Papon, AbhishekBonthu, bad ECI icon PankajTripathi ki la iadon lang ha ka jingrakhe ia ka National Voters’ Day kaba 13 ha ka New Delhi.
Ki ktien jong ka jingrwai ki ioh mynsiemna ka jingngeit ba baroh ki briew jong ka ri ki ieid ia ka India. Ka mynsiem, ka jingieid bad ki jingmut jingpyrkhat jong ki,ki kren shaphang ka India da ka jingsngew sarong namar ki tynrai kiba hyndai jong ka ha ryngkat ka lawei kaba phyrnai kum ka synsharpaidbah kaba khlain ha kane ka pyrthei.
Baroh ki briew ka ri ki sngew sarong ban ong “Nga dei u nong India (Main Bharat Hoon) namar ki sngewthuh ia ka bor jong ka vote ban jied ia ki briew ban pyniaid bad tei ia ka ri jong ngi.
La thaw ia kane ka jingrwai ban ai mynsien ia man u NONGTHEP VOTE ba kin long lang ki nongtei ia ka India kaba thymmai, kiba sngewthuh ia la ka kamram bad ruh ia la ka hok ban thep vote na ka bynta ka ri khlem da don jingpher halor ka kyrdan, class, niam, caste, jaka sah, ktien tynrai ne ka jinglong kynthei ne shynrang. Ka dei namar kane ba ki dap da ka jingsngew sarong ban rwailang -– “MAIN BHARAT HOON – BHARAT HAI MUJHME – HUM BHARAT KE MATDATA HAIN – MATDAN DENE JAYENGE BHARAT KE LIYE…”
