Ka jingslem ka tulop ki nongtrei sngi dei ba don ki nongtrei ki khlem ai ia u Aadhaar: Pro Shukla

Shillong, Nailar 17: Ki kam kiba lait dei kiba la mang kyrpang kam dei na ka bynta kiba trei sngi ia kiba trei sngi la siew man la u bnai ha dien baka la ioh ia ka jingkhien na ki ophisar kiba dei peit ia kano kano ka tnad, kiba trei sngi ki dei ban don ha ka kam phra kynta man ka sngi khlem bakla ha ki jaka trei.

Ha kine ki shibnai ki khlem leit sha ki jaka trei bad kim poi ruh ha ki jaka trei ha ka por ba biang, ka jingpynslem ia ka tulop ha u bnai bala dep ka dei namar ba kim shym la ai ia u Aadhaar kumba la bthah da ka EPF da ki katto katne ki nongtrei.

Lada ki nongtrei sngi ki kyndon kano kano ka jingeh ki dei ban pyntip da ka jingthoh marwei marwei bad dei ban phah sha u Assistant register shuwa ka 2 Jylliew 2022 khnang ban lah ban leh ia kaba don kam.

Kiba bun na ki nongtrei ki dei ki bym pat tbit ha ka kam wat la kila trei palat shipew snem, bun na ki nongtrei sngi ki pynlut T.350 tyngka shisngi bai leit bai wan man ka sngi bad ka jingioh jong ki man ka sngi ka long hapoh T.500/- tyngka ha ka sngi sngi bad kim lah ban ioh ia kiba trei palat por.

Ia ki nongtrei sngi ym juh ai kano kano ka Identiy kard da ki tnad kaba ki trei bad yn shym la ai ruh ia ki ia ka shithi thungkam dei na kane ka daw ba ia sngi ba ki wan trei la buh jingthoh bakla ha ka tnad kaba ki trei bad ha ka EPF lane ha ka ESI kumta dei ban pynbeit ia ka sngi kaba ki sdang wan trei ban don ha ka jingthoh.

Ka kommittee kala ia kren bha ia kane ka phang bad kala shim ia ka rai ban shim jingkhien bha ia ka jignthung kam, ha ki kyndon, kiba khlem bat tbit, kiba la kham tbit bad kiba la tbit bah ha ka kam ia kane yn sa peit bniah da ki bor ba dei peit na ka tnad bylla jong ka sorkr pdeng lah ban pdiang.

Kalah ban long tang kaba kila trei shiphew snem kam dei ka kyndon kaba biang, tang ha kata ka jingong bala trei shiphew snem ym lah ban pynkylla ia ka jingtrei, ia ka baileit bai wan, haba ioh khyllung, trei palat por bad lada don kano kano ka jignjia kaba sngewsih, haba shitom ym pdiang katkum ki rule.

Ka skul bah NEHU kala siew ia ka Dearness Allowance ia ki nongtrei sngi hapoh jong ka ki jingpynbna kiba ka sorkar ka juhpynbna na ka por sha ka por, la rai ban mynta yn ai da ka ID Card sha baroh ki nongtrei bylla kum ba ai lem sha kiwei kiba wan na iing ban wan trei sha poh NEHU.

Haba ia dei bad ka jingpynbeit ia ki sngi wan sdang ia ka jingtrei kam hapoh ka EPF bad ESI ia kane yn sa dang bishar bniah hapoh ki kyndon bad ia ka bai dawai yn ai sha ki nongtrei sngi katkum ki rule kiba la don, ia ki lat jingiada yn ai tang shito ki nongtrei tang ha kaba ba ki trei lada don kam.

Ha kaba bad ka jingsiew ia kaba sah ha kaba ia dei bad ka bai dawai kab long shuwa ka 1999 haduh 2020 ka skul bah kan sa peit bniah katkum ki kyndon kiba la don la ong u Vice Chancellor ka NEHU u Prof P S Shukla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet