Shillong, Jymmang 15: Ki samla ki ban thoh ia ka CUET Exam jong u snem 2024 kiba la wan na kylleng ki jaka bad ki district bap her bapher ia ka ba la pynlong ha poh ka Campus jong ka Skul bah NEHU Shillong mynta ka sngi ka 15 tarik u Jymmang 2024.
Hynrei namar ka jingbum biang ki nongpyniaid ka NEHU kila ia kulmar ha ka ban ieng bad ban ap ia ka por thoh exam namar na duh ka por ba ki poi kata na duh ka por 12 baje shiteng sngi haduh ka 4 baje janmit kim pat shym la lap wat tang ia ka kamra thoh exam jongki.
Ha kane ka sngi ka la don ruh ka jinghap jong u slap ka ba la pynlong ia ki khynnah ba kin ia thyngian bad ka jingia khyngiat namar ka jingia bun sha ba palat ki ba la ienglain kala dang pynklumar shuh shuh ia ki samla pule.
Ka daw jong ka jingiakulmar jong ki Khynnah ki ba wan ban thoh ia kane ka exam ka dei namar ka jingbym tip bhai a ki kamra thoh exam namar na ka daw jong ka jingbym batai ne pynshai bad ka jingbym thoh shai ha ka ba iadei bad ka jaka ne ka Building ba ki dei ban thoh ia kane ka Exam.
Kane ka jingbym shai ha ki Admit Card ka wan ruh ia ka jingkulmar ia ki khynnah ha ka ba ki ba la ioh ban shong ha ki jaka shong jong ki ki hap ban shah pynkynriah ne phah mih pat ia ki.
Ha ba ioh ban ia kren bad ki Kmie ki kpa jong kine ki Khynnah ki ba wan ban synran ia ki khun jong ki ki la pynpaw ba ki la poi sha NEHU naduh ka por 12 baje mynsngi bad tad ha duh ka por 4 baje janmit ki khun jong ki kimshym la ioh wat tang ia ka jaka ba kin shong ban thoh ia kane ka Exam.
Ki la pynpaw ruh ba ki don ki khun jong ki ki ba dei ban thoh ia ka Exam ha ka por 1 baje mynsgi hynrei wat haduh ka por 4 baje janmit kim pat shym la ioh ban rung ne lap ia ka kamra ba kin thoh.
