Shillong, Lber 02: Ka seng CSWO ka pynpaw ia ka jingsngew pyrshah kaba jur ia ka jingtei ia ka Mawphu H E Project namar kan sa pynlong nongphet wir ia kiba bun bah ki paidbah nongshong shnong na ka shnong thiedieng.
Ka long kawei kaei kaba sngewtha mula tang namar ba pyrhshah u Bah Sohtun ia katei ka project ki pulit kila khot ia u bad sha thanad. Ka Neepco kala jurip ia ki jaka jong ka shnong Thiedieng khlem da ioh ia ka jingbit na ka shnong.
Ka jingdon kam jaka jong ka ka Neepco na ka bynta ka Mawphu H E Project-Stage II ka long 110 Ha. Ha ka liang jong ka Mawphu bad ka don kam 93.10 Ha, ha ki bynta jong ka shnong Thiedieng. Khlem da ioh ia ka jingbit jong ka shnong u D S Rai, u la leh don bor ban jurip ia katei ka jaka da kaba pyni ia ka NOC kaba la ioh na ka shnong Mawphu.
Ka long kaba sngewlyngoh ka long ba ki pulit ha ka jaka ba kin ia peit lem ia ka khia ka shnon jong ki paidbah kila pynsngewthuh ia ki paidbah ba lada ki wan kum kine ki project ki paidbah kin sa ioh surok bad kiwei kiwei kikam pynroi.
Na ka liang jong ka seng CSWO ka kyrmen ba da ka jingwan jong ki seng riewlum ha ka bor hapoh jong ka KHADC kin ia ia ka jingiada ia ki paidbah ha kaba ia dei halor ka khyndew ka shyiap jong ki paid riewlum kane ka jylla Meghalaya.(SP News)
