Shillong, Iaiong 01: U Chief Electoral; Officer jong ka jylla Meghalaya u Dr. B.D.R Tiwari laiathuh ba la ioh ia ka jingpyntip ba ka jylla Meghalya kan ioh 40 kompnei ki kynhun pulit CRPF ban pahara ha kane ka MP elelshon ha ka jylla ban long ha ka 19/Iaiong/2024, san Kompeni kila don lypa ha ka jylla.
U CEO la pyntip ruh ba kat haduh ka sngi kut ka sngi thep kyrteng ki kyrtong ha 27/Lber/2024 baroh ki nongthep vote ha ka jylla ki don 22,26,567 lak ngut, ki kynshrang ki don 10,99,517 lak ngut bad ki kynthei ki don 11,02,747 lak ngut bad ki bahkong 3 ngut bad ki nongthep vote kiba don ha ka kam ki don 3870 ngut.
Ki jaka thep vote baroh ki don 3512 tylli bad kiba mih thymmai ki long 32 tylli, na ka liang jong ka tnad elekshon kala don ka jingialang bad u Chief Secretary ban ia kren ban peit ban ia pynbiang ia ki jingdon kam ha ki jaka thep vote, kum ka light ka Um bad ki jaka leit sha bar.
La iathuh ba ha man ki MLA konstitwensi la buh lai tylli ki Flying Sqaud, lai tylli ki Static Surveillance bad 3 tyllli ki Video surveillance, kane ka long na ka bynta baroh 60 tylli ki MLA Konstitwensi kiba don ha ka jylla. Kiwei kiwei ki jingdon kam kin bit ia kaei kaba la bthah da ka Election Commission jong ka Ri India.
Namar ka jingwan jong ka slap na ka liang jong ka tnad elelshon kala don ka jingialang bad u Chief Secretary ban peit ban don ki jaka rieh ia ki nongthep vote lada don a slap bad kin ia leh katba lah ban pynbiang katba dang shah ka por haduh katei ka sngi thep vote.
