Jowai, Jymmang 12: Ka kynhun Trained Nurses Association Jong ka Ri India, Shnat hapoh jong ka Jaintia Hills, mynta ka sngi kila pynlong ia ka jingrakhe ia ka ngi lyngkhuh burom ha shityllup ka pyrthei kum ka sngi burom jong ki Nurse. Ia kane la pyn long ha Amlarem Civil Sub Division.
Haba kren ha kane ka jingialang jong ki nurse u Bah Stephanson Mukhim u ba dei ruh u MLA jong kane ka jaka u la ong ba ka kam nurses kam dei kaba suk namar ba ki hap ban ia kynduh ha ka jingim jong ki kaba man ka sngi bad ki nongpang bad kane ka don kam ia ka jingtrei shitom bad ka jingaiti bad len lade ha ka kam kaba ki trei bad kaba kong san ka long ba kin trei ia ka kam da ka durkhamt kaba phuh samrekhi.
Ia kane sngi burom jong ki Nurse ia kaba la tip kum ka “ International Nurses Day” la rakhe ia ka ha satlak ka pyrthei ha kum kane ka sngi namar ba ia kane ka sngi burom la shim ia ka sngi kha jong ka Florence Nightingale, ka seng ia ka rukom trei kam jong ki nurse kaba katkum kane ka juk kaba mynta. Ka phang pdeng jong mynta u snem ka long ka “ kam Nurses ka ialam shi kim kam pynroi kaba lah an pynneh pynsah.
Ia ka jingkren lamphang ha kane ka jingialang la kren da ka kong Aiti Mega Kharkongor, Sister Tutor Norman Tunnel Hospital Jowai, ha ka jingkren ka jong ka kala bun jur ba ka kam jong ki nurse ka long ban kyntiew ia ka koit ka khiah ha ka pyrthei bad kaban ia iaid ryngkat ryngkat bad ka roi ka par ban rat dyngkhong ia ka jingduk.
Kiwei kiba la ia don lang ha kane ka sngi ki long u Bah H Pothmi MDC jong ka War West, Dr B Sutnga u ba dei peit ia ka Jarain PHC, kine baroh kila ai ia ka jingkren ka jong ki ha kane ka sngi rakhe ia ka sngi burom jong ki Nurse.
